משפטי חוכמה מהתנך

במדבר טו

לט וְהָיָ֣ה לָכֶם֮ לְצִיצִת֒ וּרְאִיתֶ֣ם אֹת֗וֹ וּזְכַרְתֶּם֙ אֶת־כׇּל־מִצְוֺ֣ת יְהֹוָ֔ה וַעֲשִׂיתֶ֖ם אֹתָ֑ם וְלֹֽא־תָת֜וּרוּ אַחֲרֵ֤י לְבַבְכֶם֙ וְאַחֲרֵ֣י עֵֽינֵיכֶ֔ם אֲשֶׁר־אַתֶּ֥ם זֹנִ֖ים אַחֲרֵיהֶֽם

דברים ח

יז וְאָמַרְתָּ֖ בִּלְבָבֶ֑ךָ כֹּחִי֙ וְעֹ֣צֶם יָדִ֔י עָ֥שָׂה לִ֖י אֶת־הַחַ֥יִל הַזֶּֽה

דברים י

יב וְעַתָּה֙ יִשְׂרָאֵ֔ל מָ֚ה יְהוָ֣ה אֱלֹהֶ֔יךָ שֹׁאֵ֖ל מֵעִמָּ֑ךְ כִּ֣י אִם־לְ֠יִרְאָה אֶת־יְהוָ֨ה אֱלֹהֶ֜יךָ לָלֶ֤כֶת בְּכָל־דְּרָכָיו֙ וּלְאַהֲבָ֣ה אֹת֔וֹ וְלַֽעֲבֹד֙ אֶת־יְהוָ֣ה אֱלֹהֶ֔יךָ בְּכָל־לְבָבְךָ֖ וּבְכָל־נַפְשֶֽׁךָ

יג לִשְׁמֹ֞ר אֶת־מִצְוֺ֤ת יְהוָה֙ וְאֶת־חֻקֹּתָ֔יו אֲשֶׁ֛ר אָנֹכִ֥י מְצַוְּךָ֖ הַיּ֑וֹם לְט֖וֹב לָֽךְ

דברים יא

יא כִּ֚י הַמִּצְוָ֣ה הַזֹּ֔את אֲשֶׁ֛ר אָֽנֹכִ֥י מְצַוְּךָ֖ הַיּ֑וֹם לֹֽא־נִפְלֵ֥את הִוא֙ מִמְּךָ֔ וְלֹ֥א רְחֹקָ֖ה הִֽוא׃

יב לֹ֥א בַשָּׁמַ֖יִם הִ֑וא לֵאמֹ֗ר מִ֣י יַֽעֲלֶה־לָּ֤נוּ הַשָּׁמַ֨יְמָה֙ וְיִקָּחֶ֣הָ לָּ֔נוּ וְיַשְׁמִעֵ֥נוּ אֹתָ֖הּ וְנַֽעֲשֶֽׂנָּה׃ יג וְלֹֽא־מֵעֵ֥בֶר לַיָּ֖ם הִ֑וא לֵאמֹ֗ר מִ֣י יַֽעֲבָר־לָ֜נוּ אֶל־עֵ֤בֶר הַיָּם֙ וְיִקָּחֶ֣הָ לָּ֔נוּ וְיַשְׁמִעֵ֥נוּ אֹתָ֖הּ וְנַֽעֲשֶֽׂנָּה׃ יד כִּֽי־קָר֥וֹב אֵלֶ֛יךָ הַדָּבָ֖ר מְאֹ֑ד בְּפִ֥יךָ וּבִֽלְבָבְךָ֖ לַֽעֲשֹׂתֽוֹ

דברים יד

א בָּנִים אַתֶּם, לַיהוָה אֱלֹהֵיכֶם:  לֹא תִתְגֹּדְדוּ, וְלֹא-תָשִׂימוּ קָרְחָה בֵּין עֵינֵיכֶם–לָמֵת.  ב כִּי עַם קָדוֹשׁ אַתָּה, לַיהוָה אֱלֹהֶיךָ; וּבְךָ בָּחַר יְהוָה, לִהְיוֹת לוֹ לְעַם סְגֻלָּה, מִכֹּל הָעַמִּים, אֲשֶׁר עַל-פְּנֵי הָאֲדָמָה.

ויקרא יט

יח לֹא תִקֹּם וְלֹא תִטֹּר אֶת בְּנֵי עַמֶּךָ, וְאָהַבְתָּ לְרֵעֲךָ כָּמוֹךָ, אֲנִי ה'

עמוס ה

כד וְיִגַּל כַּמַּיִם מִשְׁפָּט וּצְדָקָה כְּנַחַל אֵיתָן

כה הַזְּבָחִים וּמִנְחָה הִגַּשְׁתֶּם לִי בַמִּדְבָּר אַרְבָּעִים שָׁנָה בֵּית יִשְׂרָאֵל

שמואל א פרק יז

כה וַיֹּאמֶר אִישׁ יִשְׂרָאֵל, הַרְּאִיתֶם הָאִישׁ הָעֹלֶה הַזֶּה–כִּי לְחָרֵף אֶת-יִשְׂרָאֵל, עֹלֶה; וְהָיָה הָאִישׁ אֲשֶׁר-יַכֶּנּוּ יַעְשְׁרֶנּוּ הַמֶּלֶךְ עֹשֶׁר גָּדוֹל, וְאֶת-בִּתּוֹ יִתֶּן-לוֹ, וְאֵת בֵּית אָבִיו, יַעֲשֶׂה חָפְשִׁי בְּיִשְׂרָאֵל

כו וַיֹּאמֶר דָּוִד, אֶל-הָאֲנָשִׁים הָעֹמְדִים עִמּוֹ לֵאמֹר, מַה-יֵּעָשֶׂה לָאִישׁ אֲשֶׁר יַכֶּה אֶת-הַפְּלִשְׁתִּי הַלָּז, וְהֵסִיר חֶרְפָּה מֵעַל יִשְׂרָאֵל:  כִּי מִי, הַפְּלִשְׁתִּי הֶעָרֵל הַזֶּה, כִּי חֵרֵף, מַעַרְכוֹת אֱלֹהִים חַיִּים.  כז וַיֹּאמֶר לוֹ הָעָם, כַּדָּבָר הַזֶּה לֵאמֹר:  כֹּה יֵעָשֶׂה, לָאִישׁ אֲשֶׁר יַכֶּנּוּ.

מה וַיֹּאמֶר דָּוִד, אֶל-הַפְּלִשְׁתִּי, אַתָּה בָּא אֵלַי, בְּחֶרֶב וּבַחֲנִית וּבְכִידוֹן; וְאָנֹכִי בָא-אֵלֶיךָ, בְּשֵׁם יְהוָה צְבָאוֹת, אֱלֹהֵי מַעַרְכוֹת יִשְׂרָאֵל,

איכה ג

לט מַה־יִּתְאוֹנֵן֙ אָדָ֣ם חָ֔י גֶּ֖בֶר עַל־חֲטָאָֽו׃ מ נַחְפְּשָׂ֤ה דְרָכֵ֨ינוּ֙ וְֽנַחְקֹ֔רָה וְנָשׁ֖וּבָה עַד־יְהוָֽה׃ מא נִשָּׂ֤א לְבָבֵ֨נוּ֙ אֶל־כַּפָּ֔יִם אֶל־אֵ֖ל בַּשָּׁמָֽיִם

איכה ד

יט קַלִּים הָיוּ רֹדְפֵינוּ, מִנִּשְׁרֵי שָׁמָיִם; עַל-הֶהָרִים דְּלָקֻנוּ, בַּמִּדְבָּר אָרְבוּ לָנוּ.

איכה ה

א זְכֹר יְהוָה מֶה-הָיָה לָנוּ, הַבִּיטָה וּרְאֵה אֶת-חֶרְפָּתֵנוּ.  

ב נַחֲלָתֵנוּ נֶהֶפְכָה לְזָרִים, בָּתֵּינוּ לד מֵימֵינוּ בְּכֶסֶף שָׁתִינוּ, עֵצֵינוּ בִּמְחִיר יָבֹאוּ.  

ז אֲבֹתֵינוּ חָטְאוּ אינם, וַאֲנַחְנוּ עֲוֺנֹתֵיהֶם סָבָלְנוּ.  

ח עֲבָדִים מָשְׁלוּ בָנוּ, פֹּרֵק אֵין מִיָּדָם.  

יב שָׂרִים בְּיָדָם נִתְלוּ, פְּנֵי זְקֵנִים לֹא נֶהְדָּרוּ.  

יג בַּחוּרִים טְחוֹן נָשָׂאוּ, וּנְעָרִים בָּעֵץ כָּשָׁלוּ.  

טז נָפְלָה עֲטֶרֶת רֹאשֵׁנוּ, אוֹי-נָא לָנוּ כִּי חָטָאנוּ.  

יז עַל-זֶה, הָיָה דָוֶה לִבֵּנוּ–עַל-אֵלֶּה, חָשְׁכוּ עֵינֵינוּ.  

יח עַל הַר-צִיּוֹן שֶׁשָּׁמֵם, שׁוּעָלִים הִלְּכוּ-בוֹ.

יט אַתָּה יְהוָה לְעוֹלָם תֵּשֵׁב, כִּסְאֲךָ לְדוֹר וָדוֹר.  

כ לָמָּה לָנֶצַח תִּשְׁכָּחֵנוּ, תַּעַזְבֵנוּ לְאֹרֶךְ יָמִים.  

כא הֲשִׁיבֵנוּ יְהוָה אֵלֶיךָ וְנָשׁוּבָה, חַדֵּשׁ יָמֵינוּ כְּקֶדֶם.  

כב כִּי אִם-מָאֹס מְאַסְתָּנוּ, קָצַפְתָּ עָלֵינוּ עַד-מְאֹד.

משלי א

ב לָדַעַת חָכְמָה וּמוּסָר;    לְהָבִין, אִמְרֵי בִינָה.

ג  לָקַחַת, מוּסַר הַשְׂכֵּל;    צֶדֶק וּמִשְׁפָּט, וּמֵשָׁרִים.

ד  לָתֵת לִפְתָאיִם עָרְמָה;    לְנַעַר, דַּעַת וּמְזִמָּה.

ה  יִשְׁמַע חָכָם, וְיוֹסֶף לֶקַח;    וְנָבוֹן, תַּחְבֻּלוֹת יִקְנֶה.

ו  לְהָבִין מָשָׁל, וּמְלִיצָה;    דִּבְרֵי חֲכָמִים, וְחִידֹתָם.

ז  יִרְאַת יְהוָה, רֵאשִׁית דָּעַת;    חָכְמָה וּמוּסָר, אֱוִילִים בָּזוּ.

יג  כָּל-הוֹן יָקָר נִמְצָא;    נְמַלֵּא בָתֵּינוּ שָׁלָל.

יד  גּוֹרָלְךָ, תַּפִּיל בְּתוֹכֵנוּ;    כִּיס אֶחָד, יִהְיֶה לְכֻלָּנוּ.

טו  בְּנִי–אַל-תֵּלֵךְ בְּדֶרֶךְ אִתָּם;    מְנַע רַגְלְךָ, מִנְּתִיבָתָם.

טז  כִּי רַגְלֵיהֶם, לָרַע יָרוּצוּ;    וִימַהֲרוּ, לִשְׁפָּךְ-דָּם.

משלי ב

ב לְהַקְשִׁיב לַחָכְמָה אָזְנֶךָ;    תַּטֶּה לִבְּךָ, לַתְּבוּנָה.

ג  כִּי אִם לַבִּינָה תִקְרָא;    לַתְּבוּנָה, תִּתֵּן קוֹלֶךָ.

ד  אִם-תְּבַקְשֶׁנָּה כַכָּסֶף;    וְכַמַּטְמוֹנִים תַּחְפְּשֶׂנָּה.

ה  אָז–תָּבִין, יִרְאַת יְהוָה;    וְדַעַת אֱלֹהִים תִּמְצָא.

ו  כִּי-יְהוָה, יִתֵּן חָכְמָה;    מִפִּיו, דַּעַת וּתְבוּנָה.

ח  שְׁמַע בְּנִי, מוּסַר אָבִיךָ;    וְאַל-תִּטֹּשׁ, תּוֹרַת אִמֶּךָ.

ט  כִּי, לִוְיַת חֵן הֵם לְרֹאשֶׁךָ;    וַעֲנָקִים, לְגַרְגְּרֹתֶךָ.

אָז–תָּבִין, צֶדֶק וּמִשְׁפָּט;    וּמֵישָׁרִים, כָּל-מַעְגַּל-טוֹב.

י  כִּי-תָבוֹא חָכְמָה בְלִבֶּךָ;    וְדַעַת, לְנַפְשְׁךָ יִנְעָם.

יא  מְזִמָּה, תִּשְׁמֹר עָלֶיךָ;    תְּבוּנָה תִנְצְרֶכָּה.

יב  לְהַצִּילְךָ, מִדֶּרֶךְ רָע;    מֵאִישׁ, מְדַבֵּר תַּהְפֻּכוֹת.

יג  הַעֹזְבִים, אָרְחוֹת יֹשֶׁר–    לָלֶכֶת, בְּדַרְכֵי-חֹשֶׁךְ.

יד  הַשְּׂמֵחִים, לַעֲשׂוֹת רָע;    יָגִילוּ, בְּתַהְפֻּכוֹת רָע.

כ  לְמַעַן–תֵּלֵךְ, בְּדֶרֶךְ טוֹבִים;    וְאָרְחוֹת צַדִּיקִים תִּשְׁמֹר.

כא  כִּי-יְשָׁרִים יִשְׁכְּנוּ-אָרֶץ;    וּתְמִימִים, יִוָּתְרוּ בָהּ.

משלי ג

א בְּנִי, תּוֹרָתִי אַל-תִּשְׁכָּח;    וּמִצְוֺתַי, יִצֹּר לִבֶּךָ.

ב  כִּי אֹרֶךְ יָמִים, וּשְׁנוֹת חַיִּים  וְשָׁלוֹם, יוֹסִיפוּ לָךְ.

ג  חֶסֶד וֶאֱמֶת,  אַל-יַעַזְבֻךָ:

קָשְׁרֵם עַל-גַּרְגְּרוֹתֶיךָ;    כָּתְבֵם, עַל-לוּחַ לִבֶּךָ.

ד  וּמְצָא-חֵן וְשֵׂכֶל-טוֹב   בְּעֵינֵי אֱלֹהִים וְאָדָם.

יג אַשְׁרֵ֣י אָ֭דָם מָצָ֣א חָכְמָ֑ה    וְ֝אָדָ֗ם יָפִ֥יק תְּבוּנָֽה׃

יד כִּ֤י ט֣וֹב סַ֭חְרָהּ מִסְּחַר־כָּ֑סֶף    וּ֝מֵֽחָר֗וּץ תְּבֽוּאָתָֽהּ׃

טו יְקָ֣רָה הִ֭יא מִפְּנִינִ֑ים    וְכָל־חֲ֝פָצֶ֗יךָ לֹ֣א יִֽשְׁווּ־בָֽהּ׃

טז אֹ֣רֶךְ יָ֭מִים בִּֽימִינָ֑הּ    בִּ֝שְׂמֹאולָ֗הּ עֹ֣שֶׁר וְכָבֽוֹד׃

יז דְּרָכֶ֥יהָ דַרְכֵי־נֹ֑עַם    וְֽכָל־נְתִ֖יבוֹתֶ֣יהָ שָׁלֽוֹם׃

יח עֵץ־חַיִּ֣ים הִ֭יא לַמַּֽחֲזִיקִ֣ים בָּ֑הּ    וְֽתֹמְכֶ֥יהָ מְאֻשָּֽׁר׃

כז אַל־תִּמְנַע־ט֥וֹב מִבְּעָלָ֑יו    בִּֽהְי֨וֹת לְאֵ֖ל יָֽדְךָ֣ לַֽעֲשֽׂוֹת׃

כח אַל־תֹּ֘אמַ֤ר לְרֵֽעֲךָ֨ ׀ לֵ֣ךְ וָ֭שׁוּב וּמָחָ֥ר אֶתֵּ֗ן   וְיֵ֣שׁ אִתָּֽךְ׃

כט אַל־תַּֽחֲרֹ֣שׁ עַל־רֵֽעֲךָ֣ רָעָ֑ה    וְהֽוּא־יוֹשֵׁ֖ב לָבֶ֣טַח אִתָּֽךְ׃

ל אַל־תָּרִ֣יב עִם־אָדָ֣ם חִנָּ֑ם    אִם־לֹ֖א גְמָֽלְךָ֣ רָעָֽה׃

לא אַל־תְּ֭קַנֵּא בְּאִ֣ישׁ חָמָ֑ס    וְאַל־תִּ֝בְחַ֗ר בְּכָל־דְּרָכָֽיו׃

משלי ד

ה קְנֵ֣ה חָ֭כְמָה קְנֵ֣ה בִינָ֑ה    אַל־תִּשְׁכַּ֥ח וְאַל־תֵּ֝֗ט מֵֽאִמְרֵי־פִֽי׃

ו אַל־תַּֽעַזְבֶ֥הָ וְתִשְׁמְרֶ֑ךָּ    אֱהָבֶ֥הָ וְתִצְּרֶֽךָּ׃

ז רֵאשִׁ֣ית חָ֭כְמָה קְנֵ֣ה חָכְמָ֑ה    וּבְכָל־קִ֝נְיָֽנְךָ֗ קְנֵ֣ה בִינָֽה׃

ח סַלְסְלֶ֥הָ וּֽתְרוֹמְמֶ֑ךָּ    תְּ֝כַבֵּ֗דְךָ כִּ֣י תְחַבְּקֶֽנָּה׃

ט תִּתֵּ֣ן לְ֭רֹֽאשְׁךָ לִוְיַת־חֵ֑ן    עֲטֶ֖רֶת תִּפְאֶ֣רֶת תְּמַגְּנֶֽךָּ׃

י שְׁמַ֣ע בְּ֭נִי וְקַ֣ח אֲמָרָ֑י    וְיִרְבּ֥וּ לְ֝ךָ֗ שְׁנ֣וֹת חַיִּֽים׃

יא בְּדֶ֣רֶךְ חָ֭כְמָה הֹֽרֵיתִ֑יךָ    הִ֝דְרַכְתִּ֗יךָ בְּמַעְגְּלֵי־יֹֽשֶׁר׃

יב בְּֽ֭לֶכְתְּךָ לֹֽא־יֵצַ֣ר צַֽעֲדֶ֑ךָ    וְאִם־תָּ֝ר֗וּץ לֹ֣א תִכָּשֵֽׁל׃

יג הַֽחֲזֵ֣ק בַּמּוּסָ֣ר אַל־תֶּ֑רֶף    נִ֝צְּרֶ֗הָ כִּי־הִ֥יא חַיֶּֽיךָ׃

יד בְּאֹ֣רַח רְ֭שָׁעִים אַל־תָּבֹ֑א    וְאַל־תְּ֝אַשֵּׁ֗ר בְּדֶ֣רֶךְ רָעִֽים׃

כד הָסֵ֣ר מִ֭מְּךָ עִקְּשׁ֣וּת פֶּ֑ה    וּלְז֥וּת שְׂ֝פָתַ֗יִם הַרְחֵ֥ק מִמֶּֽךָּ׃

כה עֵ֭ינֶיךָ לְנֹ֣כַח יַבִּ֑יטוּ    וְ֝עַפְעַפֶּ֗יךָ יַיְשִׁ֥רוּ נֶגְדֶּֽךָ׃

כו פַּ֭לֵּס מַעְגַּ֣ל רַגְלֶ֑ךָ    וְֽכָל־דְּרָכֶ֥יךָ יִכֹּֽנוּ׃

כז אַֽל־תֵּט־יָמִ֥ין וּשְׂמֹ֑אול    הָסֵ֖ר רַגְלְךָ֣ מֵרָֽע׃

משלי ה

שְׁתֵה־מַ֥יִם מִבּוֹרֶ֑ךָ    וְ֝נֹֽזְלִ֗ים מִתּ֥וֹךְ בְּאֵרֶֽךָ׃

טז יָפ֣וּצוּ מַעְיְנֹתֶ֣יךָ ח֑וּצָה    בָּֽ֝רְחֹב֗וֹת פַּלְגֵי־מָֽיִם׃

יז יִֽהְיוּ־לְךָ֥ לְבַדֶּ֑ךָ    וְאֵ֖ין לְזָרִ֣ים אִתָּֽךְ׃

יח יְהִֽי־מְקוֹרְךָ֥ בָר֑וּךְ  וּ֝שְׂמַ֗ח מֵאֵ֥שֶׁת נְעוּרֶֽךָ׃

יט אַיֶּ֥לֶת אֲהָבִ֗ים   וְֽיַעֲלַ֫ת חֵ֥ן

דַּ֭דֶּיהָ יְרַוֻּ֣ךָ בְכָל־עֵ֑ת    בְּ֝אַֽהֲבָתָ֗הּ תִּשְׁגֶּ֥ה תָמִֽיד׃

כ וְלָ֤מָּה תִשְׁגֶּ֣ה בְנִ֣י בְזָרָ֑ה    וּ֝תְחַבֵּ֗ק חֵ֣ק נָכְרִיָּֽה׃

משלי ו

לֵֽךְ־אֶל־נְמָלָ֥ה עָצֵ֑ל    רְאֵ֖ה דְרָכֶ֣יהָ וַֽחֲכָֽם׃

ז אֲשֶׁ֖ר אֵֽין־לָ֥הּ קָצִ֗ין    שֹׁטֵ֥ר וּמֹשֵֽׁל׃

ח תָּכִ֣ין בַּקַּ֣יִץ לַחְמָ֑הּ    אָֽגְרָ֥ה בַ֝קָּצִ֗יר מַֽאֲכָלָֽהּ׃

ט עַד־מָתַ֖י עָצֵ֥ל ׀ תִּשְׁכָּ֑ב    מָ֝תַ֗י תָּק֥וּם מִשְּׁנָתֶֽךָ׃

י מְעַ֣ט שֵׁ֭נוֹת מְעַ֣ט תְּנוּמ֑וֹת    מְעַ֓ט ׀ חִבֻּ֖ק יָדַ֣יִם לִשְׁכָּֽב׃

יא וּבָֽא־כִמְהַלֵּ֥ךְ רֵאשֶׁ֑ךָ    וּ֝מַחְסֹֽרְךָ֗ כְּאִ֣ישׁ מָגֵֽן׃

טז שֶׁשׁ־הֵ֭נָּה שָׂנֵ֣א יְהוָ֑ה    וְ֝שֶׁ֗בַע תּֽוֹעֲבַ֥ת נַפְשֽׁוֹ׃

יז עֵינַ֣יִם רָ֭מוֹת לְשׁ֣וֹן שָׁ֑קֶר    וְ֝יָדַ֗יִם שֹֽׁפְכ֥וֹת דָּם־נָקִֽי׃

יח לֵ֗ב חֹ֭רֵשׁ מַחְשְׁב֣וֹת אָ֑וֶן    רַגְלַ֥יִם מְ֝מַֽהֲר֗וֹת לָר֥וּץ לָֽרָעָֽה׃

יט יָפִ֣יחַ כְּ֭זָבִים עֵ֣ד שָׁ֑קֶר    וּמְשַׁלֵּ֥חַ מְ֝דָנִ֗ים בֵּ֣ין אַחִֽים׃

משלי ח – חכמה

א הֲלֹֽא־חָכְמָ֥ה תִקְרָ֑א    וּ֝תְבוּנָ֗ה תִּתֵּ֥ן קוֹלָֽהּ׃

ב בְּרֹאשׁ־מְרֹמִ֥ים עֲלֵי־דָ֑רֶךְ    בֵּ֖ית נְתִיב֣וֹת נִצָּֽבָה׃

ג לְיַד־שְׁעָרִ֥ים לְפִי־קָ֑רֶת    מְב֖וֹא פְתָחִ֣ים תָּרֹֽנָּה׃

ד אֲלֵיכֶ֣ם אִישִׁ֣ים אֶקְרָ֑א    וְ֝קוֹלִ֗י אֶל־בְּנֵ֥י אָדָֽם׃

ה הָבִ֣ינוּ פְתָאיִ֣ם עָרְמָ֑ה    וּ֝כְסִילִ֗ים הָבִ֥ינוּ לֵֽב׃

ו שִׁ֭מְעוּ כִּֽי־נְגִידִ֣ים אֲדַבֵּ֑ר    וּמִפְתַּ֥ח שְׂ֝פָתַ֗י מֵֽישָׁרִֽים׃

ז כִּֽי־אֱ֭מֶת יֶהְגֶּ֣ה חִכִּ֑י    וְתֽוֹעֲבַ֖ת שְׂפָתַ֣י רֶֽשַׁע׃

ח בְּצֶ֥דֶק כָּל־אִמְרֵי־פִ֑י    אֵ֥ין בָּ֝הֶ֗ם נִפְתָּ֥ל וְעִקֵּֽשׁ׃

ט כֻּלָּ֣ם נְ֭כֹחִים לַמֵּבִ֑ין    וִֽ֝ישָׁרִ֗ים לְמֹ֣צְאֵי דָֽעַת׃

י קְחֽוּ־מוּסָרִ֥י וְאַל־כָּ֑סֶף    וְ֝דַ֗עַת מֵֽחָר֥וּץ נִבְחָֽר׃

יא כִּֽי־טוֹבָ֣ה חָ֭כְמָה מִפְּנִינִ֑ים    וְכָל־חֲ֝פָצִ֗ים לֹ֣א יִֽשְׁווּ־בָֽהּ׃

יב אֲֽנִי־חָ֭כְמָה שָׁכַ֣נְתִּי עָרְמָ֑ה    וְדַ֖עַת מְזִמּ֣וֹת אֶמְצָֽא׃

יג יִ֥רְאַ֣ת יְהוָה֮    שְֽׂנֹ֫את רָ֥ע

גֵּ֘אָ֤ה וְגָא֨וֹן ׀ וְדֶ֣רֶךְ רָ֭ע וּפִ֨י תַהְפֻּכ֬וֹת    שָׂנֵֽאתִי׃

יד לִֽי־עֵ֭צָה וְתֽוּשִׁיָּ֑ה    אֲנִ֥י בִ֝ינָ֗ה לִ֣י גְבוּרָֽה׃

טו בִּ֭י מְלָכִ֣ים יִמְלֹ֑כוּ    וְ֝רֹֽזְנִ֗ים יְחֹ֣קְקוּ צֶֽדֶק׃

טז בִּ֭י שָׂרִ֣ים יָשֹׂ֑רוּ    וּ֝נְדִיבִ֗ים כָּל־שֹׁ֥פְטֵי צֶֽדֶק׃

יז אֲ֭נִי אֹֽהֲבַ֣י אֵהָ֑ב    וּ֝מְשַֽׁחֲרַ֗י יִמְצָאֻֽנְנִי׃

יח עֹֽשֶׁר־וְכָב֥וֹד אִתִּ֑י    ה֥וֹן עָ֝תֵ֗ק וּצְדָקָֽה׃

יט ט֣וֹב פִּ֭רְיִי מֵֽחָר֣וּץ וּמִפָּ֑ז    וּ֝תְבֽוּאָתִ֗י מִכֶּ֥סֶף נִבְחָֽר׃

כ בְּאֹֽרַח־צְדָקָ֥ה אֲהַלֵּ֑ךְ    בְּ֝ת֗וֹךְ נְתִיב֥וֹת מִשְׁפָּֽט׃

כא לְהַנְחִ֖יל אֹֽהֲבַ֥י ׀ יֵ֑שׁ    וְאֹצְרֹ֖תֵיהֶ֣ם אֲמַלֵּֽא׃

כב יְֽהוָ֗ה קָ֭נָנִי רֵאשִׁ֣ית דַּרְכּ֑וֹ    קֶ֖דֶם מִפְעָלָ֣יו מֵאָֽז׃

כג מֵֽ֭עוֹלָם נִסַּ֥כְתִּי מֵרֹ֗אשׁ    מִקַּדְמֵי־אָֽרֶץ׃

כד בְּאֵין־תְּהֹמ֥וֹת חוֹלָ֑לְתִּי    בְּאֵ֥ין מַ֝עְיָנ֗וֹת נִכְבַּדֵּי־מָֽיִם׃

כה בְּטֶ֣רֶם הָרִ֣ים הָטְבָּ֑עוּ    לִפְנֵ֖י גְבָע֣וֹת חוֹלָֽלְתִּי׃

כו עַד־לֹ֣א עָ֭שָׂה אֶ֣רֶץ וְחוּצ֑וֹת    וְ֝רֹ֗אשׁ עַפְר֥וֹת תֵּבֵֽל׃

כז בַּֽהֲכִינ֣וֹ שָׁ֭מַיִם שָׁ֣ם אָ֑נִי    בְּחֻ֥קוֹ ח֝֗וּג עַל־פְּנֵ֥י תְהֽוֹם׃

כח בְּאַמְּצ֣וֹ שְׁחָקִ֣ים מִמָּ֑עַל    בַּֽ֝עֲז֗וֹז עִינ֥וֹת תְּהֽוֹם׃

כט בְּשׂ֘וּמ֤וֹ לַיָּ֨ם ׀ חֻקּ֗וֹ וּ֭מַיִם לֹ֣א יַֽעַבְרוּ־פִ֑יו    בְּ֝חוּק֗וֹ מ֣וֹסְדֵי אָֽרֶץ׃

ל וָאֶֽהְיֶ֥ה אֶצְל֗וֹ אָ֫מ֥וֹן    וָאֶֽהְיֶ֣ה שַֽׁ֭עֲשׁוּעִים י֤וֹם ׀ י֑וֹם מְשַׂחֶ֖קֶת לְפָנָ֣יו בְּכָל־עֵֽת׃

לא מְ֭שַׂחֶקֶת בְּתֵבֵ֣ל אַרְצ֑וֹ    וְ֝שַֽׁעֲשֻׁעַ֗י אֶת־בְּנֵ֥י אָדָֽם׃

לב וְעַתָּ֣ה בָ֭נִים שִׁמְעוּ־לִ֑י    וְ֝אַשְׁרֵ֗י דְּרָכַ֥י יִשְׁמֹֽרוּ׃

לג שִׁמְע֖וּ מוּסָ֥ר וַֽחֲכָ֗מוּ    וְאַל־תִּפְרָֽעוּ׃

לד אַ֥שְֽׁרֵי אָדָם֮ שֹׁמֵ֪עַֽ֫ לִ֥י    לִשְׁקֹ֣ד עַל־דַּ֭לְתֹתַי י֤וֹם ׀ י֑וֹם לִ֝שְׁמֹ֗ר מְזוּזֹ֥ת פְּתָחָֽי׃

לה כִּ֣י מֹֽ֭צְאִי מָצָ֣א חַיִּ֑ים    וַיָּ֥פֶק רָ֝צ֗וֹן מֵֽיְהוָֽה׃

לו וְֽ֭חֹטְאִי חֹמֵ֣ס נַפְשׁ֑וֹ    כָּל־מְ֝שַׂנְאַ֗י אָ֣הֲבוּ מָֽוֶת׃

משלי ט

ו עִזְב֣וּ פְתָאיִ֣ם וִֽחְי֑וּ    וְ֝אִשְׁר֗וּ בְּדֶ֣רֶךְ בִּינָֽה׃

ז יֹ֤סֵ֨ר ׀ לֵ֗ץ לֹקֵ֣חַֽ ל֣וֹ קָל֑וֹן    וּמוֹכִ֖יחַ לְרָשָׁ֣ע מוּמֽוֹ׃

ח אַל־תּ֣וֹכַח לֵ֭ץ פֶּן־יִשְׂנָאֶ֑ךָּ    הוֹכַ֥ח לְ֝חָכָ֗ם וְיֶֽאֱהָבֶֽךָּ׃

ט תֵּ֣ן לְ֭חָכָם וְיֶחְכַּם־ע֑וֹד    הוֹדַ֥ע לְ֝צַדִּ֗יק וְי֣וֹסֶף לֶֽקַח׃

י תְּחִלַּ֣ת חָ֭כְמָה יִרְאַ֣ת יְהוָ֑ה    וְדַ֖עַת קְדֹשִׁ֣ים בִּינָֽה׃

יא כִּי־בִ֭י יִרְבּ֣וּ יָמֶ֑יךָ    וְיוֹסִ֥יפוּ לְּ֝ךָ֗ שְׁנ֣וֹת חַיִּֽים׃

יב אִם־חָ֭כַמְתָּ חָכַ֣מְתָּ לָּ֑ךְ    וְ֝לַ֗צְתָּ לְֽבַדְּךָ֥ תִשָּֽׂא׃

יג אֵ֣שֶׁת כְּ֭סִילוּת הֹֽמִיָּ֑ה    פְּ֝תַיּ֗וּת וּבַל־יָ֥דְעָה מָּֽה׃

יד וְֽ֭יָשְׁבָה לְפֶ֣תַח בֵּיתָ֑הּ    עַל־כִּ֝סֵּ֗א מְרֹ֣מֵי קָֽרֶת׃

טו לִקְרֹ֥א לְעֹֽבְרֵי־דָ֑רֶךְ    הַֽ֝מְיַשְּׁרִ֗ים אֹֽרְחוֹתָֽם׃

טז מִֽי־פֶ֭תִי יָסֻ֣ר הֵ֑נָּה    וַֽחֲסַר־לֵ֝֗ב וְאָ֣מְרָה לּֽוֹ׃

יז מַֽיִם־גְּנוּבִ֥ים יִמְתָּ֑קוּ    וְלֶ֖חֶם סְתָרִ֣ים יִנְעָֽם׃

יח וְֽלֹא־יָ֭דַע כִּֽי־רְפָאִ֣ים שָׁ֑ם    בְּעִמְקֵ֖י שְׁא֣וֹל קְרֻאֶֽיהָ׃

משלי יא

ד לֹֽא־יוֹעִ֣יל ה֭וֹן בְּי֣וֹם עֶבְרָ֑ה    וּ֝צְדָקָ֗ה תַּצִּ֥יל מִמָּֽוֶת׃

ה צִדְקַ֣ת תָּ֭מִים תְּיַשֵּׁ֣ר דַּרְכּ֑וֹ    וּ֝בְרִשְׁעָת֗וֹ יִפֹּ֥ל רָשָֽׁע׃

יב  בָּז-לְרֵעֵהוּ חֲסַר-לֵב;    וְאִישׁ תְּבוּנוֹת יַחֲרִישׁ.

יג  הוֹלֵךְ רָכִיל, מְגַלֶּה-סּוֹד;    וְנֶאֱמַן-רוּחַ, מְכַסֶּה דָבָר.

יד  בְּאֵין תַּחְבֻּלוֹת, יִפָּל-עָם;    וּתְשׁוּעָה, בְּרֹב יוֹעֵץ.

טז אֵֽשֶׁת־חֵ֭ן תִּתְמֹ֣ךְ כָּב֑וֹד    וְ֝עָֽרִיצִ֗ים יִתְמְכוּ־עֹֽשֶׁר׃

כ תּֽוֹעֲבַ֣ת יְ֭הוָה עִקְּשֵׁי־לֵ֑ב    וּ֝רְצוֹנ֗וֹ תְּמִ֣ימֵי דָֽרֶךְ׃

כז שֹׁ֣חֵֽר ט֭וֹב יְבַקֵּ֣שׁ רָצ֑וֹן    וְדֹרֵ֖שׁ רָעָ֣ה תְבוֹאֶֽנּוּ׃

כח בּוֹטֵ֣חַ בְּ֭עָשְׁרוֹ ה֣וּא יִפּ֑וֹל    וְ֝כֶֽעָלֶ֗ה צַדִּיקִ֥ים יִפְרָֽחוּ׃

כט עֹכֵ֣ר בֵּ֭יתוֹ יִנְחַל־ר֑וּחַ    וְעֶ֥בֶד אֱ֝וִ֗יל לַֽחֲכַם־לֵֽב׃

ל פְּֽרִי־צַ֭דִּיק עֵ֣ץ חַיִּ֑ים    וְלֹקֵ֖חַ נְפָשׁ֣וֹת חָכָֽם׃

משלי יב

א אֹהֵ֣ב מ֭וּסָר אֹ֣הֵֽב דָּ֑עַת    וְשׂוֹנֵ֖א תוֹכַ֣חַת בָּֽעַר׃

ד אֵֽשֶׁת־חַ֭יִל עֲטֶ֣רֶת בַּעְלָ֑הּ    וּכְרָקָ֖ב בְּעַצְמוֹתָ֣יו מְבִישָֽׁה׃

ה מַחְשְׁב֣וֹת צַדִּיקִ֣ים מִשְׁפָּ֑ט    תַּחְבֻּל֖וֹת רְשָׁעִ֣ים מִרְמָֽה׃

ז הָפ֣וֹךְ רְשָׁעִ֣ים וְאֵינָ֑ם    וּבֵ֖ית צַדִּיקִ֣ים יַֽעֲמֹֽד׃

י יוֹדֵ֣עַ צַ֭דִּיק נֶ֣פֶשׁ בְּהֶמְתּ֑וֹ    וְֽרַחֲמֵ֥י רְ֝שָׁעִ֗ים אַכְזָרִֽי׃

יג בְּפֶ֣שַׁע שְׂ֭פָתַיִם מוֹקֵ֣שׁ רָ֑ע    וַיֵּצֵ֖א מִצָּרָ֣ה צַדִּֽיק׃

יד מִפְּרִ֣י פִי־אִ֭ישׁ יִשְׂבַּע־ט֑וֹב    וּגְמ֥וּל יְדֵי־אָ֝דָ֗ם ישוב (יָשִׁ֥יב) לֽוֹ׃

יח יֵ֣שׁ בּ֭וֹטֶה כְּמַדְקְר֣וֹת חָ֑רֶב    וּלְשׁ֖וֹן חֲכָמִ֣ים מַרְפֵּֽא׃

יט שְֽׂפַת־אֱ֭מֶת תִּכּ֣וֹן לָעַ֑ד    וְעַד־אַ֝רְגִּ֗יעָה לְשׁ֣וֹן שָֽׁקֶר׃

כה דְּאָגָ֣ה בְלֶב־אִ֣ישׁ יַשְׁחֶ֑נָּה    וְדָבָ֖ר ט֣וֹב יְשַׂמְּחֶֽנָּה׃

כז לֹֽא־יַחֲרֹ֣ךְ רְמִיָּ֣ה צֵיד֑וֹ    וְהוֹן־אָדָ֖ם יָקָ֣ר חָרֽוּץ׃

כח בְּאֹֽרַח־צְדָקָ֥ה חַיִּ֑ים    וְדֶ֖רֶךְ נְתִיבָ֣ה אַל־מָֽוֶת׃

משלי יג

ב מִפְּרִ֣י פִי־אִ֭ישׁ יֹ֣אכַל ט֑וֹב    וְנֶ֖פֶשׁ בֹּֽגְדִ֣ים חָמָֽס׃

ג נֹצֵ֣ר פִּ֭יו שֹׁמֵ֣ר נַפְשׁ֑וֹ    פֹּשֵׂ֥ק שְׂ֝פָתָ֗יו מְחִתָּה־לֽוֹ׃

ז יֵ֣שׁ מִ֭תְעַשֵּׁר וְאֵ֣ין כֹּ֑ל    מִ֝תְרוֹשֵׁ֗שׁ וְה֣וֹן רָֽב׃

כ הוֹלֵ֣ךְ אֶת־חֲכָמִ֣ים יֶחְכָּ֑ם   וְרֹעֶ֖ה כְסִילִ֣ים יֵרֽוֹעַ׃

משלי יד

י לֵ֗ב י֭וֹדֵעַ מָרַּ֣ת נַפְשׁ֑וֹ    וּ֝בְשִׂמְחָת֗וֹ לֹֽא־יִתְעָ֥רַב זָֽר׃

כב הֲֽלוֹא־יִ֭תְעוּ חֹ֣רְשֵׁי רָ֑ע    וְחֶ֥סֶד וֶֽ֝אֱמֶ֗ת חֹ֣רְשֵׁי טֽוֹב׃

כג בְּכָל־עֶ֭צֶב יִֽהְיֶ֣ה מוֹתָ֑ר    וּדְבַר־שְׂ֝פָתַ֗יִם אַךְ־לְמַחְסֽוֹר

כט אֶ֣רֶךְ אַ֭פַּיִם רַב־תְּבוּנָ֑ה    וּקְצַר־ר֝֗וּחַ מֵרִ֥ים אִוֶּֽלֶת

ל חַיֵּ֣י בְ֭שָׂרִים לֵ֣ב מַרְפֵּ֑א    וּרְקַ֖ב עֲצָמ֣וֹת קִנְאָֽה׃

לא עֹ֣שֵֽׁק דָּ֭ל חֵרֵ֣ף עֹשֵׂ֑הוּ    וּ֝מְכַבְּד֗וֹ חֹנֵ֥ן אֶבְיֽוֹן׃

משלי טו

א מַֽעֲנֶה־רַּ֭ךְ יָשִׁ֣יב חֵמָ֑ה    וּדְבַר־עֶ֝֗צֶב יַֽעֲלֶה־אָֽף׃

ב לְשׁ֣וֹן חֲ֭כָמִים תֵּיטִ֣יב דָּ֑עַת    וּפִ֥י כְ֝סִילִ֗ים יַבִּ֥יעַ אִוֶּֽלֶת׃

ד מַרְפֵּ֣א לָ֭שׁוֹן עֵ֣ץ חַיִּ֑ים    וְסֶ֥לֶף בָּ֝֗הּ שֶׁ֣בֶר בְּרֽוּחַ׃

ז שִׂפְתֵ֣י חֲ֭כָמִים יְזָ֣רוּ דָ֑עַת    וְלֵ֖ב כְּסִילִ֣ים לֹא־כֵֽן׃

ח זֶ֣בַח רְ֭שָׁעִים תּֽוֹעֲבַ֣ת יְהוָ֑ה    וּתְפִלַּ֖ת יְשָׁרִ֣ים רְצוֹנֽוֹ׃

ט תּֽוֹעֲבַ֣ת יְ֭הוָה דֶּ֣רֶךְ רָשָׁ֑ע    וּמְרַדֵּ֖ף צְדָקָ֣ה יֶֽאֱהָֽב׃

י מוּסָ֣ר רָ֭ע לְעֹזֵ֣ב אֹ֑רַח    שׂוֹנֵ֖א תוֹכַ֣חַת יָמֽוּת׃

יג לֵ֣ב שָׂ֭מֵחַ יֵיטִ֣ב פָּנִ֑ים    וּבְעַצְּבַת־לֵ֝֗ב ר֣וּחַ נְכֵאָֽה׃

טו כָּל־יְמֵ֣י עָנִ֣י רָעִ֑ים    וְטֽוֹב־לֵ֝֗ב מִשְׁתֶּ֥ה תָמִֽיד׃

טז טוֹב־מְ֭עַט בְּיִרְאַ֣ת יְהוָ֑ה    מֵֽאוֹצָ֥ר רָ֝֗ב וּמְה֥וּמָה בֽוֹ׃

יז ט֤וֹב אֲרֻחַ֣ת יָ֭רָק וְאַֽהֲבָה־שָׁ֑ם    מִשּׁ֥וֹר אָ֝ב֗וּס וְשִׂנְאָה־בֽוֹ׃

יח אִ֣ישׁ חֵ֭מָה יְגָרֶ֣ה מָד֑וֹן    וְאֶ֥רֶךְ אַ֝פַּ֗יִם יַשְׁקִ֥יט רִֽיב׃

כ בֵּ֣ן חָ֭כָם יְשַׂמַּח־אָ֑ב    וּכְסִ֥יל אָ֝דָ֗ם בּוֹזֶ֥ה אִמּֽוֹ׃

כב הָפֵ֣ר מַֽ֭חֲשָׁבוֹת בְּאֵ֣ין ס֑וֹד    וּבְרֹ֖ב יֽוֹעֲצִ֣ים תָּקֽוּם׃

כג שִׂמְחָ֣ה לָ֭אִישׁ בְּמַֽעֲנֵה־פִ֑יו    וְדָבָ֖ר בְּעִתּ֣וֹ מַה־טּֽוֹב׃

כד אֹ֣רַח חַ֭יִּים לְמַ֣עְלָה לְמַשְׂכִּ֑יל    לְמַ֥עַן ס֝֗וּר מִשְּׁא֥וֹל מָֽטָּה׃

כו תּֽוֹעֲבַ֣ת יְ֭הוָה מַחְשְׁב֣וֹת רָ֑ע    וּ֝טְהֹרִ֗ים אִמְרֵי־נֹֽעַם׃

כז עֹכֵ֣ר בֵּ֭יתוֹ בּוֹצֵ֣עַ בָּ֑צַע    וְשׂוֹנֵ֖א מַתָּנֹ֣ת יִֽחְיֶֽה׃

לא אֹ֗זֶן שֹׁ֭מַעַת תּוֹכַ֣חַת חַיִּ֑ים    בְּקֶ֖רֶב חֲכָמִ֣ים תָּלִֽין׃

לב פּוֹרֵ֣עַ מ֭וּסָר מוֹאֵ֣ס נַפְשׁ֑וֹ    וְשׁוֹמֵ֥עַ תּ֝וֹכַ֗חַת ק֣וֹנֶה לֵּֽב׃

לג יִרְאַ֣ת יְ֭הוָה מוּסַ֣ר חָכְמָ֑ה    וְלִפְנֵ֖י כָב֣וֹד עֲנָוָֽה׃

משלי טז

ה תּֽוֹעֲבַ֣ת יְ֭הוָה כָּל־גְּבַהּ־לֵ֑ב    יָ֥ד לְ֝יָ֗ד לֹ֣א יִנָּקֶֽה׃

ו בְּחֶ֣סֶד וֶֽ֭אֱמֶת יְכֻפַּ֣ר עָוֺ֑ן    וּבְיִרְאַ֥ת יְ֝הוָ֗ה ס֣וּר מֵרָֽע׃

ח טוֹב־מְ֭עַט בִּצְדָקָ֑ה    מֵרֹ֥ב תְּ֝בוּא֗וֹת בְּלֹ֣א מִשְׁפָּֽט׃

ט לֵ֣ב אָ֭דָם יְחַשֵּׁ֣ב דַּרְכּ֑וֹ    וַֽ֝יהוָ֗ה יָכִ֥ין צַֽעֲדֽוֹ׃

יא פֶּ֤לֶס ׀ וּמֹֽאזְנֵ֣י מִ֭שְׁפָּט לַֽיהוָ֑ה    מַֽ֝עֲשֵׂ֗הוּ כָּל־אַבְנֵי־כִֽיס׃

טז קְֽנֹה־חָכְמָ֗ה מַה־טּ֥וֹב מֵֽחָר֑וּץ    וּקְנ֥וֹת בִּ֝ינָ֗ה נִבְחָ֥ר מִכָּֽסֶף׃

יז מְסִלַּ֣ת יְ֭שָׁרִים ס֣וּר מֵרָ֑ע    שֹׁמֵ֥ר נַ֝פְשׁ֗וֹ נֹצֵ֥ר דַּרְכּֽוֹ׃

יכ מַשְׂכִּ֣יל עַל־דָּ֭בָר יִמְצָא־ט֑וֹב    וּבוֹטֵ֖חַ בַּֽיהוָ֣ה אַשְׁרָֽיו׃

כא לַֽחֲכַם־לֵ֭ב יִקָּרֵ֣א נָב֑וֹן    וּמֶ֥תֶק שְׂ֝פָתַ֗יִם יֹסִ֥יף לֶֽקַח׃

כב מְק֣וֹר חַ֭יִּים שֵׂ֣כֶל בְּעָלָ֑יו    וּמוּסַ֖ר אֱוִלִ֣ים אִוֶּֽלֶת׃

כג לֵ֣ב חָ֭כָם יַשְׂכִּ֣יל פִּ֑יהוּ    וְעַל־שְׂ֝פָתָ֗יו יֹסִ֥יף לֶֽקַח׃

כד צוּף־דְּ֭בַשׁ אִמְרֵי־נֹ֑עַם    מָת֥וֹק לַ֝נֶּ֗פֶשׁ וּמַרְפֵּ֥א לָעָֽצֶם׃

לב ט֤וֹב אֶ֣רֶךְ אַ֭פַּיִם מִגִּבּ֑וֹר    וּמֹשֵׁ֥ל בְּ֝רוּח֗וֹ מִלֹּכֵ֥ד עִֽיר׃

משלי יז

ב עֶֽבֶד־מַשְׂכִּ֗יל יִ֭מְשֹׁל בְּבֵ֣ן מֵבִ֑ישׁ    וּבְת֥וֹךְ אַ֝חִ֗ים יַֽחֲלֹ֥ק נַֽחֲלָֽה׃

ג מַצְרֵ֣ף לַ֭כֶּסֶף וְכ֣וּר לַזָּהָ֑ב    וּבֹחֵ֖ן לִבּ֣וֹת יְהוָֽה׃

ה לֹעֵ֣ג לָ֭רָשׁ חֵרֵ֣ף עֹשֵׂ֑הוּ    שָׂמֵ֥חַ לְ֝אֵ֗יד לֹ֣א יִנָּקֶֽה׃

ו עֲטֶ֣רֶת זְ֭קֵנִים בְּנֵ֣י בָנִ֑ים    וְתִפְאֶ֖רֶת בָּנִ֣ים אֲבוֹתָֽם׃

ז לֹֽא־נָאוָ֣ה לְנָבָ֣ל שְׂפַת־יֶ֑תֶר    אַ֝֗ף כִּֽי־לְנָדִ֥יב שְׂפַת־שָֽׁקֶר׃

יג מֵשִׁ֣יב רָ֭עָה תַּ֣חַת טוֹבָ֑ה    לֹֽא־תָמ֥וּשׁ רָ֝עָ֗ה מִבֵּיתֽוֹ׃

יז בְּכָל־עֵ֭ת אֹהֵ֣ב הָרֵ֑עַ    וְאָ֥ח לְ֝צָרָ֗ה יִוָּלֵֽד׃

כב לֵ֣ב שָׂ֭מֵחַ יֵיטִ֣יב גֵּהָ֑ה    וְר֥וּחַ נְ֝כֵאָ֗ה תְּיַבֶּשׁ־גָּֽרֶם׃

כז חוֹשֵׂ֣ךְ אֲ֭מָרָיו יוֹדֵ֣עַ דָּ֑עַת    יְקַר־ר֝֗וּחַ אִ֣ישׁ תְּבוּנָֽה׃

כח גַּ֤ם אֱוִ֣יל מַֽ֭חֲרִישׁ חָכָ֣ם יֵֽחָשֵׁ֑ב    אֹטֵ֖ם שְׂפָתָ֣יו נָבֽוֹן׃

משלי יח

ב לֹֽא־יַחְפֹּ֣ץ כְּ֭סִיל בִּתְבוּנָ֑ה    כִּ֝֗י אִֽם־בְּהִתְגַּלּ֥וֹת לִבּֽוֹ׃

ד מַ֣יִם עֲ֭מֻקִּים דִּבְרֵ֣י פִי־אִ֑ישׁ    נַ֥חַל נֹ֝בֵ֗עַ מְק֣וֹר חָכְמָֽה׃

ה שְׂאֵ֣ת פְּנֵֽי־רָשָׁ֣ע לֹא־ט֑וֹב    לְהַטּ֥וֹת צַ֝דִּ֗יק בַּמִּשְׁפָּֽט׃

[כעושים משפט לא צודק לרשע זה יוצר גם חוסר צדק לצדיק]

ח דִּבְרֵ֣י נִ֭רְגָּן כְּמִֽתְלַהֲמִ֑ים    וְ֝הֵ֗ם יָֽרְד֥וּ חַדְרֵי־בָֽטֶן׃

יב לִפְנֵי־שֶׁ֭בֶר יִגְבַּ֣הּ לֶב־אִ֑ישׁ    וְלִפְנֵ֖י כָב֣וֹד עֲנָוָֽה׃

יג מֵשִׁ֣יב דָּ֭בָר בְּטֶ֣רֶם יִשְׁמָ֑ע    אִוֶּ֥לֶת הִיא־ל֝֗וֹ וּכְלִמָּֽה׃

יד רֽוּחַ־אִ֭ישׁ יְכַלְכֵּ֣ל מַֽחֲלֵ֑הוּ    וְר֥וּחַ נְ֝כֵאָ֗ה מִ֣י יִשָּׂאֶֽנָּה׃

טו לֵ֣ב נָ֭בוֹן יִקְנֶה־דָּ֑עַת    וְאֹ֥זֶן חֲ֝כָמִ֗ים תְּבַקֶּשׁ־דָּֽעַת׃

טז מַתָּ֣ן אָ֭דָם יַרְחִ֣יב ל֑וֹ    וְלִפְנֵ֖י גְדֹלִ֣ים יַנְחֶֽנּוּ׃

כ מִפְּרִ֣י פִי־אִ֭ישׁ תִּשְׂבַּ֣ע בִּטְנ֑וֹ    תְּבוּאַ֖ת שְׂפָתָ֣יו יִשְׂבָּֽע׃

כא מָ֣וֶת וְ֭חַיִּים בְּיַד־לָשׁ֑וֹן    וְ֝אֹֽהֲבֶ֗יהָ יֹאכַ֥ל פִּרְיָֽהּ׃

כב מָצָ֣א אִ֭שָּׁה מָ֣צָא ט֑וֹב    וַיָּ֥פֶק רָ֝צ֗וֹן מֵֽיְהוָֽה׃

כד אִ֣ישׁ רֵ֭עִים לְהִתְרֹעֵ֑עַ    וְיֵ֥שׁ אֹ֝הֵ֗ב דָּבֵ֥ק מֵאָֽח׃

[חברים רבים מדי מכלים את הזמן]

משלי יט

ד ה֗וֹן יֹ֭סִיף רֵעִ֣ים רַבִּ֑ים    וְ֝דָ֗ל מֵֽרֵעֵ֥הוּ יִפָּרֵֽד׃

ה עֵ֣ד שְׁ֭קָרִים לֹ֣א יִנָּקֶ֑ה    וְיָפִ֥יחַ כְּ֝זָבִ֗ים לֹ֣א יִמָּלֵֽט׃

יד בַּ֣יִת וָ֭הוֹן נַֽחֲלַ֣ת אָב֑וֹת    וּ֝מֵֽיְהוָ֗ה אִשָּׁ֥ה מַשְׂכָּֽלֶת׃

כ שְׁמַ֣ע עֵ֭צָה וְקַבֵּ֣ל מוּסָ֑ר    לְ֝מַ֗עַן תֶּחְכַּ֥ם בְּאַֽחֲרִיתֶֽךָ׃

יח יַסֵּ֣ר בִּ֭נְךָ כִּי־יֵ֣שׁ תִּקְוָ֑ה

[חינוך בא ממחסר וכך הגדלת הרצון להגיע למטרה]

משלי כ

ו רָב־אָדָ֗ם יִ֭קְרָא אִ֣ישׁ חַסְדּ֑וֹ    וְאִ֥ישׁ אֱ֝מוּנִ֗ים מִ֣י יִמְצָֽא׃

ז מִתְהַלֵּ֣ךְ בְּתֻמּ֣וֹ צַדִּ֑יק    אַשְׁרֵ֖י בָנָ֣יו אַֽחֲרָֽיו׃

יא גַּ֣ם בְּ֭מַֽעֲלָלָיו יִתְנַכֶּר־נָ֑עַר    אִם־זַ֖ךְ וְאִם־יָשָׁ֣ר פָּֽעֳלֽוֹ׃

טו יֵ֣שׁ זָ֭הָב וְרָב־פְּנִינִ֑ים    וּכְלִ֥י יְ֝קָ֗ר שִׂפְתֵי־דָֽעַת׃

יז עָרֵ֣ב לָ֭אִישׁ לֶ֣חֶם שָׁ֑קֶר    וְ֝אַחַ֗ר יִמָּֽלֵא־פִ֥יהוּ חָצָֽץ׃

יח מַֽ֭חֲשָׁבוֹת בְּעֵצָ֣ה תִכּ֑וֹן    וּ֝בְתַחְבֻּל֗וֹת עֲשֵׂ֣ה מִלְחָמָֽה׃

יט גּֽוֹלֶה־סּ֭וֹד הוֹלֵ֣ךְ רָכִ֑יל    וּלְפֹתֶ֥ה שְׂ֝פָתָ֗יו לֹ֣א תִתְעָרָֽב׃

כב אַל־תֹּאמַ֥ר אֲשַׁלְּמָה־רָ֑ע    קַוֵּ֥ה לַֽ֝יהוָ֗ה וְיֹ֣שַֽׁע לָֽךְ׃

כג תּֽוֹעֲבַ֣ת יְ֭הוָה אֶ֣בֶן וָאָ֑בֶן    וּמֹֽאזְנֵ֖י מִרְמָ֣ה לֹא־טֽוֹב׃

כד מֵֽיְהוָ֥ה מִצְעֲדֵי־גָ֑בֶר    וְ֝אָדָ֗ם מַה־יָּבִ֥ין דַּרְכּֽוֹ׃

כה מוֹקֵ֣שׁ אָ֭דָם יָ֣לַע קֹ֑דֶשׁ    וְאַחַ֖ר נְדָרִ֣ים לְבַקֵּֽר׃

כז נֵ֣ר יְ֭הוָה נִשְׁמַ֣ת אָדָ֑ם    חֹ֝פֵ֗שׂ כָּל־חַדְרֵי־בָֽטֶן׃

כט תִּפְאֶ֣רֶת בַּֽחוּרִ֣ים כֹּחָ֑ם    וַֽהֲדַ֖ר זְקֵנִ֣ים שֵׂיבָֽה׃

[היתרון של הצעירים הוא כוחם, וחוכמה היתרון של הזקנים]

ל חַבֻּר֣וֹת פֶּ֭צַע תַּמְר֣וּק בְּרָ֑ע    וּ֝מַכּ֗וֹת חַדְרֵי־בָֽטֶן׃

משלי כא

ג עֲשֹׂה, צְדָקָה וּמִשְׁפָּט    נִבְחָר לַיהוָה מִזָּבַח.

[המעשים ורוח האדם של טוב, משפט צדק, צניעות, יושרה הם החשובים ולא סמלי המצוות]

ו פֹּ֣עַל אֹֽ֭צָרוֹת בִּלְשׁ֣וֹן שָׁ֑קֶר    הֶ֥בֶל נִ֝דָּ֗ף מְבַקְשֵׁי־מָֽוֶת׃

ט טוֹב, לָשֶׁבֶת עַל-פִּנַּת-גָּג    מֵאֵשֶׁת מִדְיָנִים, וּבֵית חָבֶר.

יג אֹטֵם אָזְנוֹ, מִזַּעֲקַת-דָּל  גַּם-הוּא יִקְרָא, וְלֹא יֵעָנֶה.

יד מַתָּן בַּסֵּתֶר, יִכְפֶּה-אָף;    וְשֹׁחַד בַּחֵק, חֵמָה עַזָּה.

טז אָדָ֗ם תּ֭וֹעֶה מִדֶּ֣רֶךְ הַשְׂכֵּ֑ל    בִּקְהַ֖ל רְפָאִ֣ים יָנֽוּחַ׃

יז אִישׁ מַחְסוֹר, אֹהֵב שִׂמְחָה;    אֹהֵב יַיִן-וָשֶׁמֶן, לֹא יַעֲשִׁיר.

יט  טוֹב, שֶׁבֶת בְּאֶרֶץ-מִדְבָּר    מֵאֵשֶׁת מִדְיָנִים וָכָעַס.

כא  רֹדֵף, צְדָקָה וָחָסֶד    יִמְצָא חַיִּים, צְדָקָה וְכָבוֹד.

כג  שֹׁמֵר פִּיו, וּלְשׁוֹנוֹ    שֹׁמֵר מִצָּרוֹת נַפְשׁוֹ.

כה תַּֽאֲוַ֣ת עָצֵ֣ל תְּמִיתֶ֑נּוּ    כִּֽי־מֵאֲנ֖וּ יָדָ֣יו לַֽעֲשֽׂוֹת׃

כו כָּל־הַ֭יּוֹם הִתְאַוָּ֣ה תַֽאֲוָ֑ה    וְצַדִּ֥יק יִ֝תֵּ֗ן וְלֹ֣א יַחְשֹֽׂךְ׃

לא סוּס–מוּכָן, לְיוֹם מִלְחָמָה;    וְלַיהוָה, הַתְּשׁוּעָה.

משלי כב

א נִבְחָר שֵׁם, מֵעֹשֶׁר רָב:    מִכֶּסֶף וּמִזָּהָב, חֵן טוֹב.

ד עֵקֶב עֲנָוָה, יִרְאַת יְהוָה;   עֹשֶׁר וְכָבוֹד וְחַיִּים.

ו חֲנֹךְ לַנַּעַר, עַל-פִּי דַרְכּוֹ      גַּם כִּי-יַזְקִין, לֹא-יָסוּר מִמֶּנָּה.

ח  זוֹרֵעַ עַוְלָה, יקצור אָוֶן;    וְשֵׁבֶט עֶבְרָתוֹ יִכְלֶה.

אֹהֵב טְהָר לֵב   חֵן שְׂפָתָיו, רֵעֵהוּ מֶלֶךְ.

ט טֽוֹב־עַ֭יִן ה֣וּא יְבֹרָ֑ךְ    כִּֽי־נָתַ֖ן מִלַּחְמ֣וֹ לַדָּֽל׃

יג  אָמַר עָצֵל, אֲרִי בַחוּץ;    בְּתוֹךְ רְחֹבוֹת, אֵרָצֵחַ.

יז הַ֥ט אָזְנְךָ֗ וּ֭שְׁמַע דִּבְרֵ֣י חֲכָמִ֑ים    וְ֝לִבְּךָ֗ תָּשִׁ֥ית לְדַעְתִּֽי׃

יח כִּֽי־נָ֭עִים כִּֽי־תִשְׁמְרֵ֣ם בְּבִטְנֶ֑ךָ    יִכֹּ֥נוּ יַ֝חְדָּ֗ו עַל־שְׂפָתֶֽיךָ׃

יט לִֽהְי֣וֹת בַּֽ֭יהוָה מִבְטַחֶ֑ךָ    הֽוֹדַעְתִּ֖יךָ הַיּ֣וֹם אַף־אָֽתָּה׃

כ הֲלֹ֤א כָתַ֣בְתִּֽי לְ֭ךָ שָֽׁלִשִׁ֑ים    בְּמֹ֖עֵצ֣וֹת וָדָֽעַת׃

כא לְהוֹדִֽיעֲךָ֗ קֹ֭שְׁטְ אִמְרֵ֣י אֱמֶ֑ת    לְהָשִׁ֥יב אֲמָרִ֥ים אֱ֝מֶ֗ת לְשֹֽׁלְחֶֽיךָ׃

[אם דברי חוכמה מיושבים בראש שלך, דבר אותם לאחרים]

כד אַל־תִּ֭תְרַע אֶת־בַּ֣עַל אָ֑ף    וְאֶת־אִ֥ישׁ חֵ֝מ֗וֹת לֹ֣א תָבֽוֹא׃

כה פֶּן־תֶּֽאֱלַ֥ף אֹֽרְחֹתָ֑ו    וְלָֽקַחְתָּ֖ מוֹקֵ֣שׁ לְנַפְשֶֽׁךָ׃

כו אַל־תְּהִ֥י בְתֹֽקְעֵי־כָ֑ף    בַּ֝עֹֽרְבִ֗ים מַשָּׁאֽוֹת׃

כז אִם־אֵֽין־לְךָ֥ לְשַׁלֵּ֑ם    לָ֥מָּה יִקַּ֥ח מִ֝שְׁכָּֽבְךָ֗ מִתַּחְתֶּֽיךָ׃

כח אַל־תַּ֭סֵּג גְּב֣וּל עוֹלָ֑ם    אֲשֶׁ֖ר עָשׂ֣וּ אֲבוֹתֶֽיךָ׃

משלי כג

ד  אַל-תִּיגַע לְהַעֲשִׁיר;    מִבִּינָתְךָ חֲדָל.

[תמנע מלהתעשר עוד ועוד, תתעסק בדברים גדולים]

ו  אַל-תִּלְחַם–אֶת-לֶחֶם, רַע עָיִן;    וְאַל-תִּתְאָו, לְמַטְעַמֹּתָיו.

י  אַל-תַּסֵּג, גְּבוּל עוֹלָם;    וּבִשְׂדֵי יְתוֹמִים, אַל-תָּבֹא.

יב  הָבִיאָה לַמּוּסָר לִבֶּךָ;    וְאָזְנֶךָ, לְאִמְרֵי-דָעַת.

יג  אַל-תִּמְנַע מִנַּעַר מוּסָר:    כִּי-תַכֶּנּוּ בַשֵּׁבֶט, לֹא יָמוּת.

יד  אַתָּה, בַּשֵּׁבֶט תַּכֶּנּוּ;    וְנַפְשׁוֹ, מִשְּׁאוֹל תַּצִּיל.

טו  בְּנִי, אִם-חָכַם לִבֶּךָ    יִשְׂמַח לִבִּי גַם-אָנִי.

יח  כִּי, אִם-יֵשׁ אַחֲרִית;    וְתִקְוָתְךָ, לֹא תִכָּרֵת.

יט  שְׁמַע-אַתָּה בְנִי וַחֲכָם;    וְאַשֵּׁר בַּדֶּרֶךְ לִבֶּךָ.

כ  אַל-תְּהִי בְסֹבְאֵי-יָיִן    בְּזֹלְלֵי בָשָׂר לָמוֹ.

כא  כִּי-סֹבֵא וְזוֹלֵל, יִוָּרֵשׁ;    וּקְרָעִים, תַּלְבִּישׁ נוּמָה.

כב  שְׁמַע לְאָבִיךָ, זֶה יְלָדֶךָ;    וְאַל-תָּבוּז, כִּי-זָקְנָה אִמֶּךָ.

כג  אֱמֶת קְנֵה, וְאַל-תִּמְכֹּר;    חָכְמָה וּמוּסָר וּבִינָה.

כט  לְמִי אוֹי לְמִי אֲבוֹי, לְמִי מִדְיָנִים לְמִי שִׂיחַ  לְמִי, פְּצָעִים חִנָּם;

לְמִי,  חַכְלִלוּת עֵינָיִם.

ל  לַמְאַחֲרִים עַל-הַיָּיִן   לַבָּאִים, לַחְקֹר מִמְסָךְ.

לד  וְהָיִיתָ, כְּשֹׁכֵב בְּלֶב-יָם;    וּכְשֹׁכֵב, בְּרֹאשׁ חִבֵּל.

לה  הִכּוּנִי בַל-חָלִיתִי    הֲלָמוּנִי, בַּל-יָדָעְתִּי:

מָתַי אָקִיץ;    אוֹסִיף, אֲבַקְשֶׁנּוּ עוֹד.

משלי כד

א אַל-תְּקַנֵּא, בְּאַנְשֵׁי רָעָה;    וְאַל-תִּתְאָו, לִהְיוֹת אִתָּם.

ג  בְּחָכְמָה, יִבָּנֶה בָּיִת;    וּבִתְבוּנָה, יִתְכּוֹנָן.

ד  וּבְדַעַת, חֲדָרִים יִמָּלְאוּ    כָּל-הוֹן יָקָר וְנָעִים.

ו  כִּי בְתַחְבֻּלוֹת, תַּעֲשֶׂה-לְּךָ מִלְחָמָה;    וּתְשׁוּעָה, בְּרֹב יוֹעֵץ.

יא  הַצֵּל, לְקֻחִים לַמָּוֶת;    וּמָטִים לַהֶרֶג, אִם-תַּחְשׂוֹךְ.

יב  כִּי-תֹאמַר  הֵן, לֹא-יָדַעְנוּ-זֶה:

הֲלֹא-תֹכֵן לִבּוֹת, הוּא-יָבִין, וְנֹצֵר נַפְשְׁךָ, הוּא יֵדָע; וְהֵשִׁיב לְאָדָם כְּפָעֳלוֹ.

[טוב צריך להיות אקטיבי ולא להסתתר מאחורי לא ידעתי]

יג  אֱכָל-בְּנִי דְבַשׁ כִּי-טוֹב;    וְנֹפֶת מָתוֹק, עַל-חִכֶּךָ.

יז  בִּנְפֹל אוֹיִבְךָ, אַל-תִּשְׂמָח;    וּבִכָּשְׁלוֹ, אַל-יָגֵל לִבֶּךָ

טז  כִּי שֶׁבַע, יִפּוֹל צַדִּיק וָקָם;    וּרְשָׁעִים, יִכָּשְׁלוּ בְרָעָה.

כז  הָכֵן בַּחוּץ, מְלַאכְתֶּךָ–וְעַתְּדָהּ בַּשָּׂדֶה לָךְ;    אַחַר, וּבָנִיתָ בֵיתֶךָ.

כט  אַל-תֹּאמַר–כַּאֲשֶׁר עָשָׂה-לִי, כֵּן אֶעֱשֶׂה-לּוֹ;    אָשִׁיב לָאִישׁ כְּפָעֳלוֹ.

לג  מְעַט שֵׁנוֹת, מְעַט תְּנוּמוֹת;   מְעַט, חִבֻּק יָדַיִם לִשְׁכָּב.

משלי כה

ב כְּבֹד אֱלֹהִים, הַסְתֵּר דָּבָר;    וּכְבֹד מְלָכִים, חֲקֹר דָּבָר.

ו אַל־תִּתְהַדַּ֥ר לִפְנֵי־מֶ֑לֶךְ    וּבִמְק֥וֹם גְּ֝דֹלִ֗ים אַֽל־תַּעֲמֹֽד׃

טז דְּבַ֣שׁ מָ֭צָאתָ אֱכֹ֣ל דַּיֶּ֑ךָּ    פֶּן־תִּ֝שְׂבָּעֶ֗נּוּ וַֽהֲקֵאתֽוֹ׃

יז הֹקַ֣ר רַ֭גְלְךָ מִבֵּ֣ית רֵעֶ֑ךָ    פֶּן־יִ֝שְׂבָּֽעֲךָ֗ וּשְׂנֵאֶֽךָ׃

כא אִם־רָעֵ֣ב שֹׂ֭נַֽאֲךָ הַֽאֲכִלֵ֣הוּ לָ֑חֶם    וְאִם־צָ֝מֵ֗א הַשְׁקֵ֥הוּ מָֽיִם׃

כד ט֗וֹב שֶׁ֥בֶת עַל־פִּנַּת־גָּ֑ג    מֵאֵ֥שֶׁת מִ֝דְיָנִ֗ים וּבֵ֥ית חָֽבֶר׃

כה מַ֣יִם קָ֭רִים עַל־נֶ֣פֶשׁ עֲיֵפָ֑ה    וּשְׁמוּעָ֥ה ט֝וֹבָ֗ה מֵאֶ֥רֶץ מֶרְחָֽק׃

[ואכן מקלחת קרה מעוררת יותר מ3 כוסות קפה]

כו מַעְיָ֣ן נִ֭רְפָּשׂ וּמָק֣וֹר מָשְׁחָ֑ת    צַ֝דִּ֗יק מָ֣ט לִפְנֵֽי־רָשָֽׁע׃

כז אָ֘כֹ֤ל דְּבַ֣שׁ הַרְבּ֣וֹת לֹא־ט֑וֹב    וְחֵ֖קֶר כְּבֹדָ֣ם כָּבֽוֹד׃

כח עִ֣יר פְּ֭רוּצָה אֵ֣ין חוֹמָ֑ה    אִ֝֗ישׁ אֲשֶׁ֤ר אֵ֖ין מַעְצָ֣ר לְרוּחֽוֹ׃

משלי כו

ד אַל-תַּעַן כְּסִיל, כְּאִוַּלְתּוֹ:    פֶּן-תִּשְׁוֶה-לּוֹ גַם-אָתָּה.

ה  עֲנֵה כְסִיל, כְּאִוַּלְתּוֹ:    פֶּן-יִהְיֶה חָכָם בְּעֵינָיו.

משלי כז

א אַל-תִּתְהַלֵּל, בְּיוֹם מָחָר:    כִּי לֹא-תֵדַע, מַה-יֵּלֶד יוֹם.

ב  יְהַלֶּלְךָ זָר וְלֹא-פִיךָ;    נָכְרִי, וְאַל-שְׂפָתֶיךָ.

ד  אַכְזְרִיּוּת חֵמָה, וְשֶׁטֶף אָף;    וּמִי יַעֲמֹד, לִפְנֵי קִנְאָה.

ה  טוֹבָה, תּוֹכַחַת מְגֻלָּה  מֵאַהֲבָה מְסֻתָּרֶת.

ו  נֶאֱמָנִים, פִּצְעֵי אוֹהֵב;    וְנַעְתָּרוֹת, נְשִׁיקוֹת שׂוֹנֵא.

ז  נֶפֶשׁ שְׂבֵעָה, תָּבוּס נֹפֶת;    וְנֶפֶשׁ רְעֵבָה, כָּל-מַר מָתוֹק.

י רֵ֥עֲךָ֨ וְרֵ֪עַ אָבִ֡יךָ אַֽל־תַּעֲזֹ֗ב    וּבֵ֥ית אָחִ֗יךָ אַל־תָּ֭בוֹא בְּי֣וֹם אֵידֶ֑ךָ

יג קַח-בִּגְדוֹ, כִּי-עָרַב זָר;    וּבְעַד נָכְרִיָּה חַבְלֵהוּ.

יד מְבָ֘רֵ֤ךְ רֵעֵ֨הוּ ׀ בְּק֣וֹל גָּ֭דוֹל בַּבֹּ֣קֶר הַשְׁכֵּ֑ים   קְ֝לָלָ֗ה תֵּחָ֥שֶׁב לֽוֹ׃

יז בַּרְזֶל בְּבַרְזֶל יָחַד;  וְאִישׁ, יַחַד פְּנֵי-רֵעֵהוּ.

[הכח של שני חברים שמתייעצים מוסיף חוכמה רבה, מתקנים אחד את השני]

יח  נֹצֵר תְּאֵנָה, יֹאכַל פִּרְיָהּ;    וְשֹׁמֵר אֲדֹנָיו יְכֻבָּד.

יט  כַּמַּיִם, הַפָּנִים לַפָּנִים   כֵּן לֵב-הָאָדָם, לָאָדָם.

כ  שְׁאוֹל וַאֲבַדֹּה, לֹא תִשְׂבַּעְנָה;   וְעֵינֵי הָאָדָם, לֹא תִשְׂבַּעְנָה.

כא מַצְרֵ֣ף לַ֭כֶּסֶף וְכ֣וּר לַזָּהָ֑ב    וְ֝אִ֗ישׁ לְפִ֣י מַֽהֲלָלֽוֹ׃

כג  יָדֹעַ תֵּדַע, פְּנֵי צֹאנֶךָ;    שִׁית לִבְּךָ, לַעֲדָרִים.

כד  כִּי לֹא לְעוֹלָם חֹסֶן;    וְאִם-נֵזֶר, לְדוֹר וָדוֹר.

כה  גָּלָה חָצִיר, וְנִרְאָה-דֶשֶׁא;    וְנֶאֶסְפוּ, עִשְּׂבוֹת הָרִים.

כו  כְּבָשִׂים לִלְבוּשֶׁךָ;    וּמְחִיר שָׂדֶה, עַתּוּדִים.

כז  וְדֵי, חֲלֵב עִזִּים–לְלַחְמְךָ, לְלֶחֶם בֵּיתֶךָ;   וְחַיִּים, לְנַעֲרוֹתֶיךָ.

ט֥וֹב שָׁכֵ֥ן קָ֝ר֗וֹב   מֵאָ֥ח רָחֽוֹק׃

משלי כח [ממשל טוב מעלה את הטובים למעלה והפוך]

א נָ֣סוּ וְאֵין־רֹדֵ֣ף רָשָׁ֑ע    וְ֝צַדִּיקִ֗ים כִּכְפִ֥יר יִבְטָֽח׃

ב בְּפֶ֣שַֽׁע אֶ֭רֶץ רַבִּ֣ים שָׂרֶ֑יהָ    וּבְאָדָ֥ם מֵבִ֥ין יֹ֝דֵ֗עַ כֵּ֣ן יַֽאֲרִֽיךְ׃

ה אַנְשֵׁי־רָ֭ע לֹֽא־יָבִ֣ינוּ מִשְׁפָּ֑ט    וּמְבַקְשֵׁ֥י יְ֝הוָ֗ה יָבִ֥ינוּ כֹֽל׃

ח מַרְבֶּ֣ה ה֭וֹנוֹ בְּנֶ֣שֶׁךְ וְתַרְבִּ֑ית    לְחוֹנֵ֖ן דַּלִּ֣ים יִקְבְּצֶֽנּוּ׃

ט מֵסִ֣יר אָ֭זְנוֹ מִשְּׁמֹ֣עַ תּוֹרָ֑ה    גַּ֥ם תְּ֝פִלָּת֗וֹ תּֽוֹעֵבָֽה׃

יב בַּֽעֲלֹ֣ץ צַ֭דִּיקִים רַבָּ֣ה תִפְאָ֑רֶת    וּבְק֥וּם רְ֝שָׁעִ֗ים יְחֻפַּ֥שׂ אָדָֽם׃

טו אֲֽרִי־נֹ֭הֵם וְדֹ֣ב שׁוֹקֵ֑ק    מוֹשֵׁ֥ל רָ֝שָׁ֗ע עַ֣ל עַם־דָּֽל׃

כא הַֽכֵּר־פָּנִ֥ים לֹא־ט֑וֹב    וְעַל־פַּת־לֶ֝֗חֶם יִפְשַׁע־גָּֽבֶר׃

כג מ֘וֹכִ֤יחַ אָדָ֣ם אַֽ֭חֲרַי חֵ֣ן יִמְצָ֑א    מִֽמַּחֲלִ֥יק לָשֽׁוֹן׃

כד גּוֹזֵ֤ל ׀ אָ֘בִ֤יו וְאִמּ֗וֹ וְאֹמֵ֥ר אֵֽין־פָּ֑שַׁע    חָבֵ֥ר ה֝֗וּא לְאִ֣ישׁ מַשְׁחִֽית׃

כח בְּק֣וּם רְ֭שָׁעִים יִסָּתֵ֣ר אָדָ֑ם    וּ֝בְאָבְדָ֗ם יִרְבּ֥וּ צַדִּיקִֽים׃

משלי כט

ב  בִּרְבוֹת צַדִּיקִים, יִשְׂמַח הָעָם;    וּבִמְשֹׁל רָשָׁע, יֵאָנַח עָם.

ג אִישׁ־אֹהֵ֣ב חָ֭כְמָה יְשַׂמַּ֣ח אָבִ֑יו    וְרֹעֶ֥ה ז֝וֹנ֗וֹת יְאַבֶּד־הֽוֹן׃

ד מֶ֗לֶךְ בְּ֭מִשְׁפָּט יַֽעֲמִ֣יד אָ֑רֶץ    וְאִ֖ישׁ תְּרוּמ֣וֹת יֶֽהֶרְסֶֽנָּה׃

י אַנְשֵׁ֣י דָ֭מִים יִשְׂנְאוּ־תָ֑ם    וִֽ֝ישָׁרִ֗ים יְבַקְשׁ֥וּ נַפְשֽׁוֹ׃

יב מֹ֭שֵׁל מַקְשִׁ֣יב עַל־דְּבַר־שָׁ֑קֶר    כָּֽל־מְשָׁרְתָ֥יו רְשָׁעִֽים

יד יַסֵּ֣ר בִּ֭נְךָ וִֽינִיחֶ֑ךָ    וְיִתֵּ֖ן מַֽעֲדַנִּ֣ים לְנַפְשֶֽׁךָ׃

יח  בְּאֵין חָזוֹן, יִפָּרַע עָם;    וְשֹׁמֵר תּוֹרָה אַשְׁרֵהוּ.

כג גַּֽאֲוַ֣ת אָ֭דָם תַּשְׁפִּילֶ֑נּוּ    וּשְׁפַל־ר֝֗וּחַ יִתְמֹ֥ךְ כָּבֽוֹד׃

כד חוֹלֵ֣ק עִם־גַּ֭נָּב שׂוֹנֵ֣א נַפְשׁ֑וֹ    אָלָ֥ה יִ֝שְׁמַ֗ע וְלֹ֣א יַגִּֽיד׃

כה חֶרְדַּ֣ת אָ֭דָם יִתֵּ֣ן מוֹקֵ֑שׁ    וּבוֹטֵ֖חַ בַּֽיהוָ֣ה יְשֻׂגָּֽב׃

כו רַ֭בִּים מְבַקְשִׁ֣ים פְּנֵי־מוֹשֵׁ֑ל    וּ֝מֵֽיְהוָ֗ה מִשְׁפַּט־אִֽישׁ׃

כז תּֽוֹעֲבַ֣ת צַ֭דִּיקִים אִ֣ישׁ עָ֑וֶל    וְתֽוֹעֲבַ֖ת רָשָׁ֣ע יְשַׁר־דָּֽרֶךְ׃

משלי ל

ז שְׁ֭תַּיִם שָׁאַ֣לְתִּי מֵֽאִתָּ֑ךְ    אַל־תִּמְנַ֥ע מִ֝מֶּ֗נִּי בְּטֶ֣רֶם אָמֽוּת׃

ח שָׁ֤וְא ׀ וּֽדְבַר־כָּזָ֡ב הַרְחֵ֬ק מִמֶּ֗נִּי    רֵ֣אשׁ וָ֭עֹשֶׁר אַל־תִּֽתֶּן־לִ֑י

הַ֝טְרִיפֵ֗נִי  לֶ֣חֶם חֻקִּֽי׃ [שקר וכזב הרחק ממני, אל תתן לי עושר ועוני, תזין אותי באוכל שמתאים לי]

יא דּ֭וֹר אָבִ֣יו יְקַלֵּ֑ל    וְאֶת־אִ֝מּ֗וֹ לֹ֣א יְבָרֵֽךְ׃

יב דּ֭וֹר טָה֣וֹר בְּעֵינָ֑יו    וּ֝מִצֹּֽאָת֗וֹ לֹ֣א רֻחָֽץ׃

יג דּ֭וֹר מָֽה־רָמ֣וּ עֵינָ֑יו    וְ֝עַפְעַפָּ֗יו יִנָּשֵֽׂאוּ׃

יד דּ֤וֹר ׀ חֲרָב֣וֹת שִׁנָּיו֮    וּֽמַאֲכָל֪וֹת מְֽתַלְּעֹ֫תָ֥יו

כב תַּֽחַת־עֶ֭בֶד כִּ֣י יִמְל֑וֹךְ    וְ֝נָבָ֗ל כִּ֣י יִֽשְׂבַּֽע־לָֽחֶם׃

משלי לא

ח פְּתַח־פִּ֥יךָ לְאִלֵּ֑ם    אֶל־דִּ֝֗ין כָּל־בְּנֵ֥י חֲלֽוֹף׃

ט פְּתַח־פִּ֥יךָ שְׁפָט־צֶ֑דֶק    וְ֝דִ֗ין עָנִ֥י וְאֶבְיֽוֹן׃

י אֵֽשֶׁת־חַ֭יִל מִ֣י יִמְצָ֑א    וְרָחֹ֖ק מִפְּנִינִ֣ים מִכְרָֽהּ׃

יא בָּ֣טַח בָּ֭הּ לֵ֣ב בַּעְלָ֑הּ    וְ֝שָׁלָ֗ל לֹ֣א יֶחְסָֽר׃

יב גְּמָלַ֣תְהוּ ט֣וֹב וְלֹא־רָ֑ע    כֹּ֝֗ל יְמֵ֣י חַיֶּֽיהָ׃

יד הָֽ֭יְתָה כָּֽאֳנִיּ֣וֹת סוֹחֵ֑ר    מִ֝מֶּרְחָ֗ק תָּבִ֥יא לַחְמָֽהּ׃

טו וַתָּ֤קָם ׀ בְּע֬וֹד לַ֗יְלָה וַתִּתֵּ֣ן טֶ֣רֶף לְבֵיתָ֑הּ   וְ֝חֹ֗ק לְנַֽעֲרֹתֶֽיהָ׃

כ כַּ֭פָּהּ פָּֽרְשָׂ֣ה לֶֽעָנִ֑י    וְ֝יָדֶ֗יהָ שִׁלְּחָ֥ה לָֽאֶבְיֽוֹן׃

כא לֹֽא־תִירָ֣א לְבֵיתָ֣הּ מִשָּׁ֑לֶג    כִּ֥י כָל־בֵּ֝יתָ֗הּ לָבֻ֥שׁ שָׁנִֽים׃

כה עֹז־וְהָדָ֥ר לְבוּשָׁ֑הּ    וַ֝תִּשְׂחַ֗ק לְי֣וֹם אַֽחֲרֽוֹן׃

כו פִּ֭יהָ פָּֽתְחָ֣ה בְחָכְמָ֑ה    וְת֥וֹרַת חֶ֝֗סֶד עַל־לְשׁוֹנָֽהּ׃

כח קָ֣מוּ בָ֭נֶיהָ וַֽיְאַשְּׁר֑וּהָ    בַּ֝עְלָ֗הּ וַֽיְהַלְלָֽהּ׃

כט רַבּ֣וֹת בָּ֭נוֹת עָ֣שׂוּ חָ֑יִל    וְ֝אַ֗תְּ עָלִ֥ית עַל־כֻּלָּֽנָה׃

ל שֶׁ֣קֶר הַ֭חֵן וְהֶ֣בֶל הַיֹּ֑פִי    אִשָּׁ֥ה יִרְאַת־יְ֝הוָ֗ה הִ֣יא תִתְהַלָּֽל׃

לא תְּנוּ־לָ֭הּ מִפְּרִ֣י יָדֶ֑יהָ    וִיהַֽלְל֖וּהָ בַשְּׁעָרִ֣ים מַֽעֲשֶֽׂיהָ׃

הושע ב

ב וְנִקְבְּצוּ בְּנֵי-יְהוּדָה וּבְנֵי-יִשְׂרָאֵל, יַחְדָּו, וְשָׂמוּ לָהֶם רֹאשׁ אֶחָד, וְעָלוּ מִן-הָאָרֶץ:

כא וְאֵרַשְׂתִּיךְ לִי, לְעוֹלָם; וְאֵרַשְׂתִּיךְ לִי בְּצֶדֶק וּבְמִשְׁפָּט, וּבְחֶסֶד וּבְרַחֲמִים.  כב וְאֵרַשְׂתִּיךְ לִי, בֶּאֱמוּנָה; וְיָדַעַתְּ, אֶת-יְהוָה.

חבקוק ג

טז שָׁמַעְתִּי וַתִּרְגַּז בִּטְנִי

לְקוֹל צָלֲלוּ שְׂפָתַי

יָבוֹא רָקָב בַּעֲצָמַי

וַיָּשֶׂם רַגְלַי כָּאַיָּלוֹת

קהלת ב

כד אֵין-טוֹב בָּאָדָם שֶׁיֹּאכַל וְשָׁתָה וְהֶרְאָה אֶת-נַפְשׁוֹ טוֹב בַּעֲמָלוֹ גַּם-זֹה רָאִיתִי אָנִי כִּי מִיַּד הָאֱלֹהִים הִיא.

קהלת יב

יג סוֹף דָּבָר, הַכֹּל נִשְׁמָע:  אֶת-הָאֱלֹהִים יְרָא וְאֶת-מִצְוֺתָיו שְׁמוֹר, כִּי-זֶה כָּל-הָאָדָם.  

יד כִּי, אֶת-כָּל-מַעֲשֶׂה, הָאֱלֹהִים יָבִא בְמִשְׁפָּט, עַל כָּל-נֶעְלָם:  אִם-טוֹב, וְאִם-רָע.

ישעיהו יא

ב וְנָחָ֥ה עָלָ֖יו ר֣וּחַ יְהֹוָ֑ה ר֧וּחַ חׇכְמָ֣ה וּבִינָ֗ה ר֤וּחַ עֵצָה֙ וּגְבוּרָ֔ה ר֥וּחַ דַּ֖עַת וְיִרְאַ֥ת יְהֹוָֽה׃

זכריה ז

ט כֹּה אָמַר יְהוָה צְבָאוֹת, לֵאמֹר:  מִשְׁפַּט אֱמֶת, שְׁפֹטוּ, וְחֶסֶד וְרַחֲמִים, עֲשׂוּ אִישׁ אֶת-אָחִיו.  

י וְאַלְמָנָה וְיָתוֹם גֵּר וְעָנִי, אַל-תַּעֲשֹׁקוּ; וְרָעַת אִישׁ אָחִיו, אַל-תַּחְשְׁבוּ בִּלְבַבְכֶם.  

יא וַיְמָאֲנוּ לְהַקְשִׁיב, וַיִּתְּנוּ כָתֵף סֹרָרֶת; וְאָזְנֵיהֶם, הִכְבִּידוּ מִשְּׁמוֹעַ,

זכריה פרק ח

טז אֵלֶּה הַדְּבָרִים, אֲשֶׁר תַּעֲשׂוּ:  דַּבְּרוּ אֱמֶת, אִישׁ אֶת-רֵעֵהוּ–אֱמֶת וּמִשְׁפַּט שָׁלוֹם, שִׁפְטוּ בְּשַׁעֲרֵיכֶם.  יז אִישׁ אֶת-רָעַת רֵעֵהוּ, אַל-תַּחְשְׁבוּ בִּלְבַבְכֶם, וּשְׁבֻעַת שֶׁקֶר, אַל-תֶּאֱהָבוּ:  כִּי אֶת-כָּל-אֵלֶּה אֲשֶׁר שָׂנֵאתִי

כג וְהֶחֱזִיקוּ בִּכְנַף אִישׁ יְהוּדִי לֵאמֹר, נֵלְכָה עִמָּכֶם

זכריה פרק ט

יז כִּי מַה טּוּבוֹ וּמַה יָפְיוֹ

יט דָּגָן בַּחוּרִים וְתִירוֹשׁ יְנוֹבֵב בְּתֻלוֹת

מלאכי פרק ב

ד וִידַעְתֶּם–כִּי שִׁלַּחְתִּי אֲלֵיכֶם, אֵת הַמִּצְוָה הַזֹּאת:  לִהְיוֹת בְּרִיתִי אֶת-לֵוִי, אָמַר יְהוָה צְבָאוֹת.  ה בְּרִיתִי הָיְתָה אִתּוֹ, הַחַיִּים וְהַשָּׁלוֹם, וָאֶתְּנֵם-לוֹ מוֹרָא, וַיִּירָאֵנִי; וּמִפְּנֵי שְׁמִי, נִחַת הוּא.  ז כִּי-שִׂפְתֵי כֹהֵן יִשְׁמְרוּ-דַעַת, וְתוֹרָה יְבַקְשׁוּ מִפִּיהוּ:  כִּי מַלְאַךְ יְהוָה-צְבָאוֹת, הוּא.  ח וְאַתֶּם סַרְתֶּם מִן-הַדֶּרֶךְ, הִכְשַׁלְתֶּם רַבִּים בַּתּוֹרָה; שִׁחַתֶּם בְּרִית הַלֵּוִי, אָמַר יְהוָה צְבָאוֹת.  ט וְגַם-אֲנִי נָתַתִּי אֶתְכֶם, נִבְזִים וּשְׁפָלִים–לְכָל-הָעָם:  כְּפִי, אֲשֶׁר אֵינְכֶם שֹׁמְרִים אֶת-דְּרָכַי, וְנֹשְׂאִים פָּנִים, בַּתּוֹרָה.  

תהילים פרק כד

יב לְֽכוּ־בָ֭נִים שִׁמְעוּ־לִ֑י    יִֽרְאַ֥ת יְ֝הוָ֗ה אֲלַמֶּדְכֶֽם׃

יג מִֽי־הָ֭אִישׁ הֶֽחָפֵ֣ץ חַיִּ֑ים    אֹהֵ֥ב יָ֝מִ֗ים לִרְא֥וֹת טֽוֹב׃

יד נְצֹ֣ר לְשֽׁוֹנְךָ֣ מֵרָ֑ע    וּ֝שְׂפָתֶ֗יךָ מִדַּבֵּ֥ר מִרְמָֽה׃

טו ס֣וּר מֵ֭רָע וַֽעֲשֵׂה־ט֑וֹב    בַּקֵּ֖שׁ שָׁל֣וֹם וְרָדְפֵֽהוּ׃

תהילים פרק קג

ב בָּֽרְכִ֣י נַ֭פְשִׁי אֶת־יְהוָ֑ה    וְאַל־תִּ֝שְׁכְּחִ֗י כָּל־גְּמוּלָֽיו׃

ג הַסֹּלֵ֥חַ לְכָל־עֲוֺנֵ֑כִי    הָֽ֝רֹפֵ֗א לְכָל־תַּֽחֲלוּאָֽיְכִי׃

ד הַגּוֹאֵ֣ל מִשַּׁ֣חַת חַיָּ֑יְכִי    הַֽ֝מְעַטְּרֵ֗כִי חֶ֣סֶד וְרַֽחֲמִֽים׃

ה הַמַּשְׂבִּ֣יעַ בַּטּ֣וֹב עֶדְיֵ֑ךְ    תִּתְחַדֵּ֖שׁ כַּנֶּ֣שֶׁר נְעוּרָֽיְכִי׃

תהילים פרק קמד

א  לְדָוִד:  בָּרוּךְ יְהוָה, צוּרִי– הַמְלַמֵּד יָדַי לַקְרָב;

אֶצְבְּעוֹתַי, לַמִּלְחָמָה.

איוב

איוב פרק א

כא וַיֹּאמֶר איוב עָרֹם יָצָאתִי מִבֶּטֶן אִמִּי וְעָרֹם אָשׁוּב שָׁמָּה יְקֹוָק נָתַן וַיקֹוָק לָקָח יְהִי שֵׁם יְקֹוָק מְבֹרָךְ

איוב פרק ב

ג כִּי אֵין כָּמֹהוּ בָּאָרֶץ אִישׁ תָּם וְיָשָׁר יְרֵא אֱלֹהִים, וְסָר מֵרָע; (אבל לא צדיק)

י וַיֹּאמֶר אֵלֶיהָ, כְּדַבֵּר אַחַת הַנְּבָלוֹת תְּדַבֵּרִי–גַּם אֶת-הַטּוֹב נְקַבֵּל מֵאֵת הָאֱלֹהִים, וְאֶת-הָרָע לֹא נְקַבֵּל; בְּכָל-זֹאת לֹא-חָטָא אִיּוֹב, בִּשְׂפָתָיו.

יג וַיֵּשְׁבוּ אִתּוֹ לָאָרֶץ, שִׁבְעַת יָמִים וְשִׁבְעַת לֵילוֹת; וְאֵין-דֹּבֵר אֵלָיו, דָּבָר–כִּי רָאוּ, כִּי-גָדַל הַכְּאֵב מְאֹד.

איוב פרק ג

כו  לֹא שָׁלַוְתִּי, וְלֹא שָׁקַטְתִּי וְלֹא-נָחְתִּי;   וַיָּבֹא רֹגֶז.

איוב פרק ו

טו אַ֭חַי בָּֽגְד֣וּ כְמוֹ־נָ֑חַל    כַּֽאֲפִ֖יק נְחָלִ֣ים יַֽעֲבֹֽרוּ׃

טז הַקֹּֽדְרִ֥ים מִנִּי־קָ֑רַח    עָ֝לֵ֗ימוֹ יִתְעַלֶּם־שָֽׁלֶג׃

יז בְּעֵ֣ת יְזֹֽרְב֣וּ נִצְמָ֑תוּ    בְּ֝חֻמּ֗וֹ נִדְעֲכ֥וּ מִמְּקוֹמָֽם׃

כב הֲֽכִי־אָ֭מַרְתִּי הָ֣בוּ לִ֑י    וּ֝מִכֹּֽחֲכֶ֗ם שִֽׁחֲד֥וּ בַֽעֲדִֽי׃

כג וּמַלְּט֥וּנִי מִיַּד־צָ֑ר    וּמִיַּ֖ד עָֽרִיצִ֣ים תִּפְדּֽוּנִי׃

כד ה֭וֹרוּנִי וַֽאֲנִ֣י אַֽחֲרִ֑ישׁ    וּמַה־שָּׁ֝גִ֗יתִי הָבִ֥ינוּ לִֽי׃

כה מַה־נִּמְרְצ֥וּ אִמְרֵי־יֹ֑שֶׁר    וּמַה־יּוֹכִ֖יחַ הוֹכֵ֣חַ מִכֶּֽם׃

איוב פרק ז

יט  כַּמָּה, לֹא-תִשְׁעֶה מִמֶּנִּי;    לֹא-תַרְפֵּנִי, עַד-בִּלְעִי רֻקִּי.

כ  חָטָאתִי, מָה אֶפְעַל לָךְ     נֹצֵר הָאָדָם:

לָמָה שַׂמְתַּנִי לְמִפְגָּע לָךְ;    וָאֶהְיֶה עָלַי לְמַשָּׂא.

כא  וּמֶה, לֹא-תִשָּׂא פִשְׁעִי  וְתַעֲבִיר אֶת-עֲוֺנִי:

כִּי-עַתָּה, לֶעָפָר אֶשְׁכָּב;    וְשִׁחַרְתַּנִי וְאֵינֶנִּי.

איוב פרק ח

ו אִם-זַךְ וְיָשָׁר, אָתָּה:    כִּי-עַתָּה, יָעִיר עָלֶיךָ; וְשִׁלַּם, נְוַת צִדְקֶךָ.

ז  וְהָיָה רֵאשִׁיתְךָ מִצְעָר;    וְאַחֲרִיתְךָ, יִשְׂגֶּה מְאֹד.

ח  כִּי-שְׁאַל-נָא, לְדֹר רִישׁוֹן;    וְכוֹנֵן, לְחֵקֶר אֲבוֹתָם.

ט  כִּי-תְמוֹל אֲנַחְנוּ, וְלֹא נֵדָע:    כִּי צֵל יָמֵינוּ עֲלֵי-אָרֶץ.

י  הֲלֹא-הֵם יוֹרוּךָ, יֹאמְרוּ לָךְ;    וּמִלִּבָּם, יוֹצִאוּ מִלִּים.

איוב פרק ט

י עֹשֶׂה גְדֹלוֹת, עַד-אֵין חֵקֶר;    וְנִפְלָאוֹת, עַד-אֵין מִסְפָּר.

יא  הֵן יַעֲבֹר עָלַי, וְלֹא אֶרְאֶה;    וְיַחֲלֹף, וְלֹא-אָבִין לוֹ.

לד יָסֵ֣ר מֵֽעָלַ֣י שִׁבְט֑וֹ    וְ֝אֵֽמָת֗וֹ אַֽל־תְּבַעֲתַֽנִּי׃

לה אֲֽ֭דַבְּרָה וְלֹ֣א אִֽירָאֶ֑נּוּ    כִּ֥י לֹא־כֵ֥ן אָֽ֝נֹכִ֗י עִמָּדִֽי׃

איוב י

זְכָר-נָא, כִּי-כַחֹמֶר עֲשִׂיתָנִי;    וְאֶל-עָפָר תְּשִׁיבֵנִי.

י  הֲלֹא כֶחָלָב, תַּתִּיכֵנִי;    וְכַגְּבִנָּה, תַּקְפִּיאֵנִי

יא  עוֹר וּבָשָׂר, תַּלְבִּישֵׁנִי;    וּבַעֲצָמוֹת וְגִידִים, תְּשֹׂכְכֵנִי.

יב  חַיִּים וָחֶסֶד, עָשִׂיתָ עִמָּדִי;    וּפְקֻדָּתְךָ, שָׁמְרָה רוּחִי.

כ  הֲלֹא-מְעַט יָמַי וַחֲדָל    וְשִׁית מִמֶּנִּי, וְאַבְלִיגָה מְּעָט.

כא  בְּטֶרֶם אֵלֵךְ, וְלֹא אָשׁוּב

איוב יא

ו וְיַגֶּד-לְךָ, תַּעֲלֻמוֹת חָכְמָה  כִּי-כִפְלַיִם לְתוּשִׁיָּה:

ז הַחֵקֶר אֱלוֹהַּ תִּמְצָא;   אִם עַד-תַּכְלִית שַׁדַּי תִּמְצָא.

ח  גָּבְהֵי שָׁמַיִם, מַה-תִּפְעָל;    עֲמֻקָּה מִשְּׁאוֹל, מַה-תֵּדָע.

ט  אֲרֻכָּה מֵאֶרֶץ מִדָּהּ;    וּרְחָבָה, מִנִּי-יָם.

י  אִם-יַחֲלֹף וְיַסְגִּיר;    וְיַקְהִיל, וּמִי יְשִׁיבֶנּוּ.

יג  אִם-אַתָּה, הֲכִינוֹתָ לִבֶּךָ;    וּפָרַשְׂתָּ אֵלָיו כַּפֶּיךָ.

יד  אִם-אָוֶן בְּיָדְךָ, הַרְחִיקֵהוּ;    וְאַל-תַּשְׁכֵּן בְּאֹהָלֶיךָ עַוְלָה.

טו  כִּי-אָז, תִּשָּׂא פָנֶיךָ מִמּוּם;    וְהָיִיתָ מֻצָק, וְלֹא תִירָא.

טז  כִּי-אַתָּה, עָמָל תִּשְׁכָּח;    כְּמַיִם עָבְרוּ תִזְכֹּר.

יז  וּמִצָּהֳרַיִם, יָקוּם חָלֶד;    תָּעֻפָה, כַּבֹּקֶר תִּהְיֶה.

יח  וּבָטַחְתָּ, כִּי-יֵשׁ תִּקְוָה;    וְחָפַרְתָּ, לָבֶטַח תִּשְׁכָּב.

איוב פרק יב

ג גַּם-לִי לֵבָב, כְּמוֹכֶם–לֹא-נֹפֵל אָנֹכִי מִכֶּם;  וְאֶת-מִי-אֵין כְּמוֹ-אֵלֶּה.

מֵסִיר לֵב, רָאשֵׁי עַם-הָאָרֶץ;    וַיַּתְעֵם, בְּתֹהוּ לֹא-דָרֶךְ.

ה לַפִּיד בּוּז, לְעַשְׁתּוּת שַׁאֲנָן–    נָכוֹן, לְמוֹעֲדֵי רָגֶל. [אסון שם בוז לעשתונות אדם שאנן ומוכן למעידתו]

כה  יְמַשְׁשׁוּ-חֹשֶׁךְ וְלֹא-אוֹר;    וַיַּתְעֵם, כַּשִּׁכּוֹר.

איוב פרק יג

א הֶן-כֹּל, רָאֲתָה עֵינִי;    שָׁמְעָה אָזְנִי, וַתָּבֶן לָהּ.

ב  כְּדַעְתְּכֶם, יָדַעְתִּי גַם-אָנִי:    לֹא-נֹפֵל אָנֹכִי מִכֶּם.

ג  אוּלָם אֲנִי, אֶל-שַׁדַּי אֲדַבֵּר;    וְהוֹכֵחַ אֶל-אֵל אֶחְפָּץ.

ד  וְאוּלָם, אַתֶּם טֹפְלֵי-שָׁקֶר;    רֹפְאֵי אֱלִל כֻּלְּכֶם.

ה  מִי-יִתֵּן, הַחֲרֵשׁ תַּחֲרִישׁוּן;    וּתְהִי לָכֶם לְחָכְמָה.

ו  שִׁמְעוּ-נָא תוֹכַחְתִּי;    וְרִבוֹת שְׂפָתַי הַקְשִׁיבוּ.

ז  הַלְאֵל, תְּדַבְּרוּ עַוְלָה;    וְלוֹ, תְּדַבְּרוּ רְמִיָּה.

ח  הֲפָנָיו תִּשָּׂאוּן;    אִם-לָאֵל תְּרִיבוּן.

ט  הֲטוֹב, כִּי-יַחְקֹר אֶתְכֶם;    אִם-כְּהָתֵל בֶּאֱנוֹשׁ, תְּהָתֵלּוּ בוֹ.

י  הוֹכֵחַ יוֹכִיחַ אֶתְכֶם–    אִם-בַּסֵּתֶר, פָּנִים תִּשָּׂאוּן.

יא  הֲלֹא שְׂאֵתוֹ, תְּבַעֵת אֶתְכֶם;    וּפַחְדּוֹ, יִפֹּל עֲלֵיכֶם.

יב  זִכְרֹנֵיכֶם, מִשְׁלֵי-אֵפֶר;    לְגַבֵּי-חֹמֶר, גַּבֵּיכֶם.

יג  הַחֲרִישׁוּ מִמֶּנִּי, וַאֲדַבְּרָה-אָנִי;    וְיַעֲבֹר עָלַי מָה.

יד  עַל-מָה, אֶשָּׂא בְשָׂרִי בְשִׁנָּי;    וְנַפְשִׁי, אָשִׂים בְּכַפִּי.

טו  הֵן יִקְטְלֵנִי, לוֹ אֲיַחֵל;    אַךְ-דְּרָכַי, אֶל-פָּנָיו אוֹכִיחַ.

טז  גַּם-הוּא-לִי לִישׁוּעָה:    כִּי-לֹא לְפָנָיו, חָנֵף יָבוֹא.

יז  שִׁמְעוּ שָׁמוֹעַ, מִלָּתִי;    וְאַחֲוָתִי, בְּאָזְנֵיכֶם.

יח  הִנֵּה-נָא, עָרַכְתִּי מִשְׁפָּט;    יָדַעְתִּי, כִּי-אֲנִי אֶצְדָּק.

יט  מִי-הוּא, יָרִיב עִמָּדִי:    כִּי-עַתָּה אַחֲרִישׁ וְאֶגְוָע.

כ  אַךְ-שְׁתַּיִם, אַל-תַּעַשׂ עִמָּדִי;    אָז מִפָּנֶיךָ, לֹא אֶסָּתֵר.

כא  כַּפְּךָ, מֵעָלַי הַרְחַק;    וְאֵמָתְךָ, אַל-תְּבַעֲתַנִּי.

כב  וּקְרָא, וְאָנֹכִי אֶעֱנֶה;    אוֹ-אֲדַבֵּר, וַהֲשִׁיבֵנִי.

כג  כַּמָּה לִי, עֲוֺנוֹת וְחַטָּאוֹת–    פִּשְׁעִי וְחַטָּאתִי, הֹדִיעֵנִי.

כד  לָמָּה-פָנֶיךָ תַסְתִּיר;    וְתַחְשְׁבֵנִי לְאוֹיֵב לָךְ.

כה  הֶעָלֶה נִדָּף תַּעֲרוֹץ;    וְאֶת-קַשׁ יָבֵשׁ תִּרְדֹּף.

כו  כִּי-תִכְתֹּב עָלַי מְרֹרוֹת;    וְתוֹרִישֵׁנִי, עֲוֺנוֹת נְעוּרָי.

כז  וְתָשֵׂם בַּסַּד, רַגְלַי–    וְתִשְׁמוֹר כָּל-אָרְחוֹתָי;

עַל-שָׁרְשֵׁי רַגְלַי,    תִּתְחַקֶּה.

כח  וְהוּא, כְּרָקָב יִבְלֶה;    כְּבֶגֶד, אֲכָלוֹ עָשׁ.

איוב פרק יד

א אָדָם, יְלוּד אִשָּׁה   קְצַר יָמִים, וּשְׂבַע-רֹגֶז.

ב  כְּצִיץ יָצָא, וַיִּמָּל;    וַיִּבְרַח כַּצֵּל, וְלֹא יַעֲמוֹד.

ג  אַף-עַל-זֶה, פָּקַחְתָּ עֵינֶךָ;    וְאֹתִי תָבִיא בְמִשְׁפָּט עִמָּךְ.

ז  כִּי יֵשׁ לָעֵץ,    תִּקְוָה:

אִם-יִכָּרֵת, וְעוֹד יַחֲלִיף;    וְיֹנַקְתּוֹ, לֹא תֶחְדָּל.

ח  אִם-יַזְקִין בָּאָרֶץ שָׁרְשׁוֹ;    וּבֶעָפָר, יָמוּת גִּזְעוֹ.

ט  מֵרֵיחַ מַיִם יַפְרִחַ;    וְעָשָׂה קָצִיר כְּמוֹ-נָטַע.

איוב פרק יז

י וְאוּלָם–כֻּלָּם תָּשֻׁבוּ, וּבֹאוּ נָא;  וְלֹא-אֶמְצָא בָכֶם חָכָם.

יב לַיְלָה, לְיוֹם יָשִׂימוּ; אוֹר, קָרוֹב מִפְּנֵי-חֹשֶׁךְ.

איוב פרק יח

ד הַלְמַעַנְךָ, תֵּעָזַב אָרֶץ; וְיֶעְתַּק-צוּר, מִמְּקֹמוֹ.

איוב יט

ג זֶ֤ה עֶ֣שֶׂר פְּ֭עָמִים תַּכְלִימ֑וּנִי    לֹֽא־תֵ֝בֹ֗שׁוּ תַּהְכְּרוּ־לִֽי׃

ד וְאַף־אָמְנָ֥ם שָׁגִ֑יתִי    אִ֝תִּ֗י תָּלִ֥ין מְשֽׁוּגָתִֽי׃

ט כְּ֭בוֹדִי מֵֽעָלַ֣י הִפְשִׁ֑יט    וַ֝יָּ֗סַר עֲטֶ֣רֶת רֹאשִֽׁי׃

י יִתְּצֵ֣נִי סָ֭בִיב וָֽאֵלַ֑ךְ    וַיַּסַּ֥ע כָּ֝עֵ֗ץ תִּקְוָתִֽי׃

כ בְּעוֹרִ֣י וּ֭בִבְשָׂרִי דָּֽבְקָ֣ה עַצְמִ֑י    וָֽ֝אֶתְמַלְּטָ֗ה בְּע֣וֹר שִׁנָּֽי׃

כא חָנֻּ֬נִי חָנֻּ֣נִי אַתֶּ֣ם רֵעָ֑י    כִּ֥י יַד־אֱ֝ל֗וֹהַּ נָ֣גְעָה בִּֽי׃

כב לָ֭מָּה תִּרְדְּפֻ֣נִי כְמוֹ־אֵ֑ל    וּ֝מִבְּשָׂרִ֗י לֹ֣א תִשְׂבָּֽעוּ׃

כג מִֽי־יִתֵּ֣ן אֵ֭פוֹ וְיִכָּֽתְב֣וּן מִלָּ֑י    מִֽי־יִתֵּ֖ן בַּסֵּ֣פֶר וְיֻחָֽקוּ׃

כד בְּעֵט־בַּרְזֶ֥ל וְעֹפָ֑רֶת    לָ֝עַ֗ד בַּצּ֥וּר יֵחָֽצְבֽוּן׃

כה וַֽאֲנִ֣י יָ֭דַעְתִּי גֹּ֣אֲלִי חָ֑י    וְ֝אַֽחֲר֗וֹן עַל־עָפָ֥ר יָקֽוּם׃

כו וְאַחַ֣ר ע֭וֹרִי נִקְּפוּ־זֹ֑את    וּ֝מִבְּשָׂרִ֗י אֶֽחֱזֶ֥ה אֱלֽוֹהַּ׃

כז אֲשֶׁ֤ר אֲנִ֨י ׀ אֶֽחֱזֶה־לִּ֗י וְעֵינַ֣י רָא֣וּ וְלֹא־זָ֑ר  כָּל֖וּ כִלְיֹתַ֣י בְּחֵקִֽי׃

איוב פרק כ

כ כִּ֤י ׀ לֹֽא־יָדַ֣ע שָׁלֵ֣ו בְּבִטְנ֑וֹ    בַּֽ֝חֲמוּד֗וֹ לֹ֣א יְמַלֵּֽט׃

איוב פרק כג

ד אֶעֶרְכָה לְפָנָיו מִשְׁפָּט; וּפִי, אֲמַלֵּא תוֹכָחוֹת.

איוב פרק כו

ב  מֶה-עָזַרְתָּ, לְלֹא-כֹחַ;    הוֹשַׁעְתָּ, זְרוֹעַ לֹא-עֹז.

ג  מַה-יָּעַצְתָּ, לְלֹא חָכְמָה;    וְתֻשִׁיָּה, לָרֹב הוֹדָעְתָּ.

ד  אֶת-מִי, הִגַּדְתָּ מִלִּין;    וְנִשְׁמַת-מִי, יָצְאָה מִמֶּךָּ.

איוב פרק כח

ב  בַּרְזֶל, מֵעָפָר יֻקָּח;    וְאֶבֶן, יָצוּק נְחוּשָׁה.

כ  וְהַחָכְמָה, מֵאַיִן תָּבוֹא;    וְאֵי זֶה, מְקוֹם בִּינָה.

כא  וְנֶעֶלְמָה, מֵעֵינֵי כָל-חָי;    וּמֵעוֹף הַשָּׁמַיִם נִסְתָּרָה.

כח  וַיֹּאמֶר, לָאָדָם–הֵן יִרְאַת אֲדֹנָי, הִיא חָכְמָה;  וְסוּר מֵרָע בִּינָה.

איוב כז

ג  כִּי-כָל-עוֹד נִשְׁמָתִי בִי;    וְרוּחַ אֱלוֹהַּ בְּאַפִּי.

ד  אִם-תְּדַבֵּרְנָה שְׂפָתַי עַוְלָה;    וּלְשׁוֹנִי, אִם-יֶהְגֶּה רְמִיָּה.

ה  חָלִילָה לִּי,    אִם-אַצְדִּיק אֶתְכֶם:

איוב פרק כט

ב מִי-יִתְּנֵנִי כְיַרְחֵיכ-קֶדֶם;    כִּימֵי, אֱלוֹהַּ יִשְׁמְרֵנִי.

ג  בְּהִלּוֹ נֵרוֹ, עֲלֵי רֹאשִׁי;    לְאוֹרוֹ, אֵלֶךְ חֹשֶׁךְ.

ד כַּאֲשֶׁר הָיִיתִי, בִּימֵי חָרְפִּי;    בְּסוֹד אֱלוֹהַּ, עֲלֵי אָהֳלִי.

ה  בְּעוֹד שַׁדַּי, עִמָּדִי;    סְבִיבוֹתַי נְעָרָי.

איוב פרק ל

כט אָח, הָיִיתִי לְתַנִּים;    וְרֵעַ, לִבְנוֹת יַעֲנָה.

ל  עוֹרִי, שָׁחַר מֵעָלָי;    וְעַצְמִי-חָרָה, מִנִּי-חֹרֶב.

לא  וַיְהִי לְאֵבֶל, כִּנֹּרִי;    וְעֻגָבִי, לְקוֹל בֹּכִים.

איוב פרק לא

ה אִם־הָלַ֥כְתִּי עִם־שָׁ֑וְא    וַתַּ֖חַשׁ עַל־מִרְמָ֣ה רַגְלִֽי׃

ו יִשְׁקְלֵ֥נִי בְמֹֽאזְנֵי־צֶ֑דֶק    וְיֵדַ֥ע אֱ֝ל֗וֹהַּ תֻּמָּתִֽי׃

ז אִ֥ם תִּטֶּ֣ה אַשֻּׁרִי֮    מִנִּ֪י הַ֫דָּ֥רֶךְ

וְאַחַ֣ר עֵ֭ינַי הָלַ֣ךְ לִבִּ֑י    וּ֝בְכַפַּ֗י דָּ֣בַק מֽאוּם׃

ח אֶ֭זְרְעָה וְאַחֵ֣ר יֹאכֵ֑ל    וְֽצֶאֱצָאַ֥י יְשֹׁרָֽשׁוּ׃

ט אִם־נִפְתָּ֣ה לִ֭בִּי עַל־אִשָּׁ֑ה    וְעַל־פֶּ֖תַח רֵעִ֣י אָרָֽבְתִּי׃

יג אִם־אֶמְאַ֗ס מִשְׁפַּ֣ט עַ֭בְדִּי וַֽאֲמָתִ֑י    בְּ֝רִבָ֗ם עִמָּדִֽי׃

יד וּמָ֣ה אֶֽ֭עֱשֶׂה כִּֽי־יָק֣וּם אֵ֑ל    וְכִֽי־יִ֝פְקֹ֗ד מָ֣ה אֲשִׁיבֶֽנּוּ׃

טו הֲֽלֹא־בַ֭בֶּטֶן עֹשֵׂ֣נִי עָשָׂ֑הוּ    וַ֝יְכֻנֶ֗נּוּ בָּרֶ֥חֶם אֶחָֽד׃

כד אִם-שַׂמְתִּי זָהָב כִּסְלִי;  וְלַכֶּתֶם, אָמַרְתִּי מִבְטַחִי.

כה  אִם-אֶשְׂמַח, כִּי-רַב חֵילִי;  וְכִי-כַבִּיר, מָצְאָה יָדִי.

כו  אִם-אֶרְאֶה אוֹר, כִּי יָהֵל;   וְיָרֵחַ, יָקָר הֹלֵךְ.

לה  מִי יִתֶּן-לִי, שֹׁמֵעַ לִי  הֶן-תָּוִי, שַׁדַּי יַעֲנֵנִי;

וְסֵפֶר כָּתַב,  אִישׁ רִיבִי.

כט אִם־אֶ֭שְׂמַח בְּפִ֣יד מְשַׂנְאִ֑י  וְ֝הִתְעֹרַ֗רְתִּי כִּֽי־מְצָ֥אוֹ רָֽע׃

ל וְלֹֽא־נָתַ֣תִּי לַֽחֲטֹ֣א חִכִּ֑י    לִשְׁאֹ֖ל בְּאָלָ֣ה נַפְשֽׁוֹ׃

לו  אִם-לֹא עַל-שִׁכְמִי, אֶשָּׂאֶנּוּ;  אֶעֶנְדֶנּוּ עֲטָרוֹת לִי.

לז  מִסְפַּר צְעָדַי, אַגִּידֶנּוּ;  כְּמוֹ-נָגִיד, אֲקָרְבֶנּוּ.

איוב פרק לב

ו וַיַּ֤עַן ׀ אֱלִיה֖וּא בֶן־בַּֽרַכְאֵ֥ל הַבּוּזִ֗י וַיֹּ֫אמַ֥ר

צָ֘עִ֤יר אֲנִ֣י לְ֭יָמִים    וְאַתֶּ֣ם יְשִׁישִׁ֑ים

עַל־כֵּ֖ן זָחַ֥לְתִּי וָֽאִירָ֓א ׀    מֵֽחַוֺּ֖ת דֵּעִ֣י אֶתְכֶֽם׃

ז אָ֭מַרְתִּי יָמִ֣ים יְדַבֵּ֑רוּ    וְרֹ֥ב שָׁ֝נִ֗ים יֹדִ֥יעוּ חָכְמָֽה׃

ח אָ֭כֵן רֽוּחַ־הִ֣יא בֶֽאֱנ֑וֹשׁ    וְנִשְׁמַ֖ת שַׁדַּ֣י תְּבִינֵֽם׃

ט לֹֽא־רַבִּ֥ים יֶחְכָּ֑מוּ    וּ֝זְקֵנִ֗ים יָבִ֥ינוּ מִשְׁפָּֽט׃

יח כִּ֭י מָלֵ֣תִי מִלִּ֑ים    הֱ֝צִיקַ֗תְנִי ר֣וּחַ בִּטְנִֽי׃

יט הִנֵּֽה־בִטְנִ֗י כְּיַ֥יִן לֹֽא־יִפָּתֵ֑חַ    כְּאֹב֥וֹת חֲ֝דָשִׁ֗ים יִבָּקֵֽעַ׃

כ אֲדַבְּרָ֥ה וְיִֽרְוַֽח־לִ֑י    אֶפְתַּ֖ח שְׂפָתַ֣י וְאֶֽעֱנֶֽה׃

כא אַל־נָ֭א אֶשָּׂ֣א פְנֵי־אִ֑ישׁ    וְאֶל־אָ֝דָ֗ם לֹ֣א אֲכַנֶּֽה׃

כב כִּ֤י לֹ֣א יָדַ֣עְתִּי אֲכַנֶּ֑ה    כִּ֝מְעַ֗ט יִשָּׂאֵ֥נִי עֹשֵֽׂנִי׃

איוב פרק לג

יא יָשֵׂ֣ם בַּסַּ֣ד רַגְלָ֑י    יִ֝שְׁמֹ֗ר כָּל־אָרְחֹתָֽי׃יט  וְהוּכַח בְּמַכְאוֹב, עַל-מִשְׁכָּבוֹ;    וְרוֹב עֲצָמָיו אֵתָן.כג  אִם-יֵשׁ עָלָיו, מַלְאָךְ–מֵלִיץ, אֶחָד מִנִּי-אָלֶף: לְהַגִּיד לְאָדָם יָשְׁרוֹ.כה  רֻטְפַשׁ בְּשָׂרוֹ מִנֹּעַר; יָשׁוּב, לִימֵי עֲלוּמָיו.

כו  יֶעְתַּר אֶל-אֱלוֹהַּ, וַיִּרְצֵהוּ, וַיַּרְא פָּנָיו, בִּתְרוּעָה;

וַיָּשֶׁב לֶאֱנוֹשׁ, צִדְקָתוֹ.

כז  יָשֹׁר, עַל-אֲנָשִׁים, וַיֹּאמֶר, חָטָאתִי וְיָשָׁר הֶעֱוֵיתִי; וְלֹא-שָׁוָה לִי.

איוב פרק לד

ד מִשְׁפָּ֥ט נִבְחֲרָה־לָּ֑נוּ    נֵֽדְעָ֖ה בֵינֵ֣ינוּ מַה־טּֽוֹב׃

ה כִּֽי־אָמַ֣ר אִיּ֣וֹב צָדַ֑קְתִּי    וְ֝אֵ֗ל הֵסִ֥יר מִשְׁפָּטִֽי׃

לא  כִּי-אֶל-אֵל, הֶאָמַר נָשָׂאתִי  לֹא אֶחְבֹּל.

לב  בִּלְעֲדֵי אֶחֱזֶה אַתָּה הֹרֵנִי אִם עָוֶל פָּעַלְתִּי לֹא אֹסִיף.

לג  הֲמֵעִמְּךָ יְשַׁלְּמֶנָּה, כִּי-מָאַסְתָּ–כִּי-אַתָּה תִבְחַר וְלֹא-אָנִי; וּמַה-יָּדַעְתָּ דַבֵּר.

איוב לה

יא מַ֭לְּפֵנוּ מִבַּֽהֲמ֣וֹת אָ֑רֶץ    וּמֵע֖וֹף הַשָּׁמַ֣יִם יְחַכְּמֵֽנוּ׃ [שווה ללמוד מהסתכלות על החיות]

יב שָׁ֣ם יִ֭צְעֲקוּ וְלֹ֣א יַֽעֲנֶ֑ה    מִ֝פְּנֵ֗י גְּא֣וֹן רָעִֽים׃ [לא מתערב בריבים שלהם]

יג אַךְ־שָׁ֭וְא לֹֽא־יִשְׁמַ֥ע ׀ אֵ֑ל    וְ֝שַׁדַּ֗י לֹ֣א יְשׁוּרֶֽנָּה׃ [צריך להילחם בעצמנו במעשי הזולת]

יד אַ֣ף כִּֽי־תֹ֭אמַר לֹ֣א תְשׁוּרֶ֑נּוּ    דִּ֥ין לְ֝פָנָ֗יו וּתְח֥וֹלֵֽל לֽוֹ׃

איוב פרק לו

י וַיִּ֣גֶל אָ֭זְנָם לַמּוּסָ֑ר    וַ֝יֹּ֗אמֶר כִּֽי־יְשׁוּב֥וּן מֵאָֽוֶן׃

יא אִֽם־יִשְׁמְע֗וּ וְֽיַ֫עֲבֹ֥דוּ    יְכַלּ֣וּ יְמֵיהֶ֣ם בַּטּ֑וֹב וּ֝שְׁנֵיהֶ֗ם בַּנְּעִימִֽים׃

יח כִּֽי־חֵ֭מָה פֶּן־יְסִֽיתְךָ֣ בְסָ֑פֶק    וְרָב־כֹּ֝֗פֶר אַל־יַטֶּֽךָּ׃

יט הֲיַֽעֲרֹ֣ךְ שֽׁ֭וּעֲךָ לֹ֣א בְצָ֑ר    וְ֝כֹ֗ל מַֽאֲמַצֵּי־כֹֽחַ׃

כ אַל־תִּשְׁאַ֥ף הַלָּ֑יְלָה    לַֽעֲל֖וֹת עַמִּ֣ים תַּחְתָּֽם׃

כא הִ֭שָּׁמֶר אַל־תֵּ֣פֶן אֶל־אָ֑וֶן    כִּֽי־עַל־זֶ֝֗ה בָּחַ֥רְתָּ מֵעֹֽנִי׃

איוב פרק לח

ב מִ֤י זֶ֨ה ׀ מַחְשִׁ֖יךְ עֵצָ֥ה בְמִלִּ֗ין   בְּֽלִי־דָֽעַת׃

ג אֱזָר־נָ֣א כְגֶ֣בֶר חֲלָצֶ֑יךָ    וְ֝אֶשְׁאָֽלְךָ֗ וְהֽוֹדִיעֵֽנִי׃

ד אֵיפֹ֣ה הָ֭יִיתָ בְּיָסְדִי־אָ֑רֶץ    הַ֝גֵּ֗ד אִם־יָדַ֥עְתָּ בִינָֽה׃

יב הֲֽ֭מִיָּמֶיךָ צִוִּ֣יתָ בֹּ֑קֶר   יִדַּ֖עְתָּ הַשַּׁ֣חַר מְקֹמֽוֹ׃

יח הִתְבֹּנַנְתָּ, עַד-רַחֲבֵי-אָרֶץ;    הַגֵּד, אִם-יָדַעְתָּ כֻלָּהּ.

יט אֵי־זֶ֣ה הַ֭דֶּרֶךְ יִשְׁכָּן־א֑וֹר    וְ֝חֹ֗שֶׁךְ אֵי־זֶ֥ה מְקֹמֽוֹ׃

כ כִּ֣י תִ֭קָּחֶנּוּ אֶל־גְּבוּל֑וֹ    וְכִֽי־תָ֝בִ֗ין נְתִיב֥וֹת בֵּיתֽוֹ׃

כא יָ֭דַעְתָּ כִּי־אָ֣ז תִּוָּלֵ֑ד    וּמִסְפַּ֖ר יָמֶ֣יךָ

לג הֲיָדַעְתָּ, חֻקּוֹת שָׁמָיִם;    אִם-תָּשִׂים מִשְׁטָרוֹ בָאָרֶץ.

לד  הֲתָרִים לָעָב קוֹלֶךָ;    וְשִׁפְעַת-מַיִם תְּכַסֶּךָּ.

לה  הַתְשַׁלַּח בְּרָקִים וְיֵלֵכוּ;    וְיֹאמְרוּ לְךָ הִנֵּנוּ.

איוב פרק מ – אחד מהפרקים החשובים בתנך

ז אֱזָר-נָא כְגֶבֶר חֲלָצֶיךָ;    אֶשְׁאָלְךָ, וְהוֹדִיעֵנִי.

ח  הַאַף, תָּפֵר מִשְׁפָּטִי;    תַּרְשִׁיעֵנִי, לְמַעַן תִּצְדָּק.

[אתה כל כך צודק וחזק ובטוח בכך, שהמשפט שאני מנהל בעולם אינו בסדר, אזי צא מעולמך הפרטי ותשנה את העולם.]

ט עֲדֵה נָא גָאוֹן וָגֹבַהּ;    וְהוֹד וְהָדָר תִּלְבָּשׁ.

יא  הָפֵץ, עֶבְרוֹת אַפֶּךָ;    וּרְאֵה כָל-גֵּאֶה, וְהַשְׁפִּילֵהוּ.

 [הצדק בעולם אני לא אחראי. אני אחראי על הצדק במובן של הטבע מאוזן ומתקיים. על הצדק בראייה האנושית, אחראי האדם. ואם אתה רואה עצמך כצדיק, אז עליך לפעול למען הצדק בעולם כולו ולא רק על הצדק הפרטי שלך]

יב  רְאֵה כָל-גֵּאֶה, הַכְנִיעֵהוּ;    וַהֲדֹךְ רְשָׁעִים תַּחְתָּם.

[בפרק א' מגדיר אלוהים את איוב, בשיחתו עם השטן, במילים הבאות: ח וַיֹּאמֶר יְהוָה אֶל הַשָּׂטָן, הֲשַׂמְתָּ לִבְּךָ עַל עַבְדִּי אִיּוֹב:  כִּי אֵין כָּמֹהוּ בָּאָרֶץ, אִישׁ תָּם וְיָשָׁר יְרֵא אֱלֹהִים וְסָר מֵרָע.

תם, ישר, ירא אלוהים וסר מרע. צדיק לא נאמר. מסתבר שכדי להיות צדיק צריך יותר מאשר להיות תם, ישר, ירא אלוהים וסר מרע. צריך להוביל ולשנות את הסביבה בה חי האדם. פירוש חכם ע״י עופר בורין.]

יג טָמְנֵ֣ם בֶּֽעָפָ֣ר יָ֑חַד    פְּ֝נֵיהֶ֗ם חֲבֹ֣שׁ בַּטָּמֽוּן׃

יד וְגַם־אֲנִ֥י אוֹדֶ֑ךָּ    כִּֽי־תוֹשִׁ֖עַ לְךָ֣ יְמִינֶֽךָ׃

איוב פרק מב + בראשית כז

וַיְהִ֗י אַחַ֨ר דִּבֶּ֧ר יְהוָ֛ה אֶת־הַדְּבָרִ֥ים הָאֵ֖לֶּה אֶל־אִיּ֑וֹב וַיֹּ֨אמֶר יְהוָ֜ה אֶל־אֱלִיפַ֣ז הַתֵּֽימָנִ֗י חָרָ֨ה אַפִּ֤י בְךָ֙ וּבִשְׁנֵ֣י רֵעֶ֔יךָ כִּ֠י לֹ֣א דִבַּרְתֶּ֥ם אֵלַ֛י נְכוֹנָ֖ה כְּעַבְדִּ֥י אִיּֽוֹב׃

וַיִּבְרָ֨א אֱלֹהִ֤ים ׀ אֶת־הָֽאָדָם֙ בְּצַלְמ֔וֹ בְּצֶ֥לֶם אֱלֹהִ֖ים בָּרָ֣א אֹת֑וֹ זָכָ֥ר וּנְקֵבָ֖ה בָּרָ֥א אֹתָֽם׃

[המשפטים מהחשובים בתנך כולו. הגזר דין הוא שאיוב צודק ורעיו טועים. כלומר נכון להפעיל הגיון ולא לקבל הכל כמובן מאליו והסיבה שנבראנו בצלם, זה נכון ללכת עם האמת שלנו.]

דניאל א

ד יְלָדִ֣ים אֲשֶׁ֣ר אֵֽין־בָּהֶ֣ם כָּל־מאוּם֩ וְטוֹבֵ֨י מַרְאֶ֜ה וּמַשְׂכִּלִ֣ים בְּכָל־חָכְמָ֗ה וְיֹ֤דְעֵי דַ֨עַת֙ וּמְבִינֵ֣י מַדָּ֔ע וַֽאֲשֶׁר֙ כֹּ֣חַ בָּהֶ֔ם לַֽעֲמֹ֖ד בְּהֵיכַ֣ל הַמֶּ֑לֶךְ וּֽלְלַמְּדָ֥ם סֵ֖פֶר וּלְשׁ֥וֹן כַּשְׂדִּֽים

ח וַיָּ֤שֶׂם דָּֽנִיֵּאל֙ עַל־לִבּ֔וֹ אֲשֶׁ֧ר לֹֽא־יִתְגָּאַ֛ל בְּפַת־בַּ֥ג הַמֶּ֖לֶךְ וּבְיֵ֣ין מִשְׁתָּ֑יו וַיְבַקֵּשׁ֙ מִשַּׂ֣ר הַסָּֽרִיסִ֔ים אֲשֶׁ֖ר לֹ֥א יִתְגָּאָֽל׃

יב נַס־נָ֥א אֶת־עֲבָדֶ֖יךָ יָמִ֣ים עֲשָׂרָ֑ה וְיִתְּנוּ־לָ֜נוּ מִן־הַזֵּֽרֹעִ֛ים וְנֹֽאכְלָ֖ה וּמַ֥יִם וְנִשְׁתֶּֽה׃

טו וּמִקְצָת֙ יָמִ֣ים עֲשָׂרָ֔ה נִרְאָ֤ה מַרְאֵיהֶם֙ ט֔וֹב וּבְרִיאֵ֖י בָּשָׂ֑ר מִ֨ן־כָּל־הַיְלָדִ֔ים הָאֹ֣כְלִ֔ים אֵ֖ת פַּת־בַּ֥ג הַמֶּֽלֶךְ׃

טז וַיְהִ֣י הַמֶּלְצַ֗ר נֹשֵׂא֙ אֶת־פַּת־בָּגָ֔ם וְיֵ֖ין מִשְׁתֵּיהֶ֑ם וְנֹתֵ֥ן לָהֶ֖ם זֵֽרְעֹנִֽים׃

יז וְהַיְלָדִ֤ים הָאֵ֨לֶּה֙ אַרְבַּעְתָּ֔ם נָתַ֨ן לָהֶ֧ם הָֽאֱלֹהִ֛ים מַדָּ֥ע וְהַשְׂכֵּ֖ל בְּכָל־סֵ֣פֶר וְחָכְמָ֑ה וְדָֽנִיֵּ֣אל הֵבִ֔ין בְּכָל־חָז֖וֹן וַֽחֲלֹמֽוֹת׃ יח וּלְמִקְצָת֙ הַיָּמִ֔ים אֲשֶׁר־אָמַ֥ר הַמֶּ֖לֶךְ לַֽהֲבִיאָ֑ם וַיְבִיאֵם֙ שַׂ֣ר הַסָּֽרִיסִ֔ים לִפְנֵ֖י נְבֻֽכַדְנֶצַּֽר׃

כ וְכֹל, דְּבַר חָכְמַת בִּינָה, אֲשֶׁר-בִּקֵּשׁ מֵהֶם, הַמֶּלֶךְ–וַיִּמְצָאֵם עֶשֶׂר יָדוֹת, עַל כָּל-הַחַרְטֻמִּים הָאַשָּׁפִים, אֲשֶׁר, בְּכָל-מַלְכוּתוֹ

דניאל יב

ג  וְהַמַּשְׂכִּלִים יַזְהִרוּ כְּזֹהַר הָרָקִיעַ

שמואל א  י״ז

מה וַיֹּאמֶר דָּוִד, אֶל-הַפְּלִשְׁתִּי, אַתָּה בָּא אֵלַי, בְּחֶרֶב וּבַחֲנִית וּבְכִידוֹן; וְאָנֹכִי בָא-אֵלֶיךָ, בְּשֵׁם יְהוָה צְבָאוֹת, אֱלֹהֵי מַעַרְכוֹת יִשְׂרָאֵל, אֲשֶׁר חֵרַפְתָּ.

שמואל ב  י״ז

כט וּדְבַשׁ וְחֶמְאָה, וְצֹאן וּשְׁפוֹת בָּקָר, הִגִּישׁוּ לְדָוִד וְלָעָם אֲשֶׁר-אִתּוֹ, לֶאֱכוֹל:

מגילת אסתר פרק י

ג כִּי מָרְדֳּכַי הַיְּהוּדִי, מִשְׁנֶה לַמֶּלֶךְ אֲחַשְׁוֵרוֹשׁ, וְגָדוֹל לַיְּהוּדִים, וְרָצוּי לְרֹב אֶחָיו–דֹּרֵשׁ טוֹב לְעַמּוֹ, וְדֹבֵר שָׁלוֹם לְכָל-זַרְעוֹ.